Пятроўскія казармы (Таганрог)
| Славутасць | |
| Пятроўскія казармы | |
|---|---|
| руск.: Петровские казармы | |
 Будынак казармы, май 2012 г. | |
| 47°12′12″ пн. ш. 38°56′29″ у. д.HGЯO | |
| Краіна |
 Расія |
| Горад | Таганрог, прав. 1-ы Крапасны, 46 |
| Першае згадванне | 1806 |
| Статус |
 Аб’ект культурнай спадчыны РФ № 6110056004 |
 |
|
 Медыяфайлы на Вікісховішчы | |
Пятроўскія жаўнерні — помнік дойлідства канца XVIII стагоддзя, захаваная да нашых дзён у Таганрогу частка «агульнаваеннай ячэйкі» Траецкай крэпасці. Помнік архітэктуры федэральнага значэння, уваходзіць у лік аб'ектаў культурнай спадчыны Расійскай Федэрацыі пад кодам 6110056002 і назвай «Ваенная ячэйка».
Гісторыя[правіць | правіць зыходнік]
7 снежня 1803 года ў Таганрог быў пераведзены батальён гарнізона з крэпасці св. Дзімітрыя Растоўскага (будучы Растоў-на-Доне)[1]. Для стварэння тут Таганрогскага двухбатальённага палка пачалося будаванне новых казарм[1].
Былая Траецкая крэпасць абзавялася дзесяццю «ўзорнымі» ячэйкамі салдацкіх казарм. Кожная з ячэек складалася з салдацкай казармы, афіцэрскай залы і кухні. Месціліся ячэйкі па перыметры 51,3 х 68,4 метра і абносіліся плотам з ракушачніка вышынёй да двух метраў.
Да нашых дзён захавалася толькі адна «ўзорная» ячэйка. Яе выточнае планаванне трохі зменена ў выніку наступных рамонтаў. Сцены казармы выкананы з цэглы, мур таўшчынёй у 2,5 цэглы. Па фасадзе казармы пакладзены 16 прамавугольных вокнаў. Дах двухсхільны. Усе вокны знутры раней мелі рашоткі, але старая аконная вокладка і выточная рашотка захаваліся толькі на адным акне ў тарцы будынка па завулку Паўротнаму.
У 1910-я гады ў будынку захаванай жаўнерні месціўся выпраўленчы прытулак. У 1920-я гады ў жаўнерні і доме па Крапасным завулку, 23 знаходзілася калонія малалетніх злачынцаў[1]. У 1923 годзе будынкі ячэйкі былі нацыяналізаваны, а ў 1937 годзе перададзены домакіраўніцтву № 7 пад жылыя памяшканні[1].
Музей[правіць | правіць зыходнік]
На 1998 год будынкі жаўнерні прыналежалі Таганрогскаму гістарычна-архітэктурнаму запаведніку і казакам, дзе пасля планаванай рэстаўрацыі меркавалася стварэнне музея «Казармы Траецкай крэпасці»[2]. У склад музейнага комплексу пасля рэстаўрацыі павінны былі ўвайсці салдацкая казарма, афіцэрскі дом, кухня, парахавы склеп і калодзеж[2].
У 2007 годзе ў адміністрацыі горада абмяркоўвалася ідэя стварэння ў памяшканнях Вайсковых ячэек «Музея Марской славы»[3]. Але ад гэтай ідэі адмовіліся, бо яна «не знайшла падтрымкі ў Міністэрстве культуры Растоўскай вобласці»[3].
У студзені 2012 года муніцыпалітэт Таганрога вырашыў стварыць музейна-забаўляльны цэнтр «Пятроўскія казармы» і аб'яднаць яго з будучым музеем Фаіны Ранеўскай і мемарыяльным пакоем Аляксандра I[4]. Называцца гэты сімбіёз будзе як «Таганрогскі музейны комплекс»[4].
Зноскі
- ↑ а б в г Назаренко И. В. Казарма времен Александра I / Таганрог. Энциклопедия. — Таганрог: Антон, 2008. — С. 371. — ISBN 978-5-88040-064-5.
- ↑ а б Назаренко И. В. Казарма времен государя Павла / Энциклопедия Таганрога. — Таганрог: Антон, 1998. — С. 281. — ISBN 5-88040-017-4.
- ↑ а б Андреева Е. Объекты реставрации — к юбилею писателя Архівавана 4 сакавіка 2016. // Недвижимость Таганрога. — 2007. — 30 июня.
- ↑ а б Лобахина Ю. Музей Фаины Раневской будет объединен с «Петровскими казармами» // Аргументы и Факты на Дону. — 2012. — 29 янв.