Ракавінныя амёбы

З Вікіпедыі, свабоднай энцыклапедыі
Поліфілетычная група пратыст
Назва
Ракавінныя амёбы
Статус назвы
не вызначаны
Бацькоўскі таксон
Падклас Караняножкі
Прадстаўнікі
не азначаны

Ракавінныя амёбы (Thecamoebina), ракавінныя караняножкі (Testacea) — поліфілетычная група прасцейшых класа караняножак падтыпу саркодавых (Sarcodina).

Апісанне[правіць | правіць зыходнік]

Ад амёб адрозніваюцца наяўнасцю дыска-, груша-, шара- або яйцападобнай ракавіны даўжынёю да 0,15 мм. Маюць ядро, пульсуючую і стрававальную вакуолі. 3 вусця ракавіны выступаюць 6 і больш псеўдаподый. Кормяцца бактэрыямі, водарасцямі, дэтрытам. Размнажаюцца пераважна простым дзяленнем (пры спрыяльных умовах некалькі раэоў за суткі).

Арэал і экалогія[правіць | правіць зыходнік]

Вядома некалькі соцень відаў. Пашыраны паўсюдна, жывуць у прэсных вадаёмах, балотах, імху, глебе; на Беларусі каля 30 відаў, найбольш трапляюцца арцэлы (Arcella), дыфлюгіі (Difflugia), эўгліфы (Euglipha) і інш.

Значэнне[правіць | правіць зыходнік]

Корм для драпежных беспазваночных, бентасаедных рыб.

Літаратура[правіць | правіць зыходнік]

  • Ракавінныя амёбы // БЭ ў 18 т. Т. 13. Мн., 2001.