Растоўскі музей касманаўтыкі

З пляцоўкі Вікіпедыя
Перайсці да: рух, знайсці

Растоўскі музей касманаўтыкі — адно з падраздзяленняў навукова-адукацыйнага комплекса «Вертыкаль». Знаходзіцца ў горадзе Растоў-на-Доне, Расія.

Апісанне[правіць | правіць зыходнік]

Музей быў урачыста адкрыты ў горадзе Растоў-на-Доне ў верасні 2009 г. Адкрыццё было прымеркавана да 30-летніх угодкаў з дня заснавання ААТ «Навукова-вытворчага прадпрыемства касмічнага прыборабудавання «Квант». Музей быў створаны па ініцыятыве генеральнага дырэктара і галоўнага канструктара В. М. Моціна, доктара навук, акадэміка і віцэ-прэзідэнта Расійскай інжынернай акадэміі, заслужанага канструктара Расійскай Федэрацыі. Першая экскурсія па музеі касманаўтыкі была праведзена жыхаром данскога краю, Героем Расіі Ю. У. Усачовым.

Экспазіцыя музея мае мноства экспанатаў, такіх як узоры касмічнай тэхнікі, асабістыя рэчы касманаўтаў, касцюмы, скафандры, архіўныя дакументы, прыборы арыентацыі касмічных караблёў, макеты спадарожнікаў сувязі, навігацыйныя прыборы ракет і модуляў, тэматычныя фатаграфіі, кнігі і іншая друкаваная прадукцыя, манеты, маркі, узнагароды, архіўныя дакументы і разнастайныя мадэлі касмічных караблёў. Наведніка музея могуць азнаёміцца з узорамі прадуктаў сілкаванні пілотаў, бляшанымі тубамі і пластыкавымі пакетамі для іх захоўвання (у наш час для вадкіх прадуктаў скарыстаюць пластыкавыя пакеты).

Усяго ў экспазіцыі музея ўтрымваецца звыш 400 прадметаў.

Асаблівай увагі заслугоўваюць элементы касмічнага судна «Саюз», а таксама інструментар, які выкарыстоўваецца касманаўтамі пры працы на арбіце Зямлі, і іх экіпіяванне для пазаштатных сітуацый, такое як скафандр «Стронга». Ён выкарыстоўваецца пры несанкцыянаваных прызямленнях у ваду. Чалавек можа знаходзіцца ў ім да 5 сутак без рызыкі пераастудзіцца.

Цэнтральнае месца выстаўкі займае касмічны спушчальны апарат «Саюз ТМА-10» 15-й экспедыцыі наведвання МКС. Ён быў перададзены музею Дзяржкарпарацыяй «Раскосмас», пасля адноўлены і пераабсталяваны супрацоўнікамі музея ў трэнажор, які дазваляе мадэляваць розныя манеўры пілатаваных караблёў. Ён з'яўляецца адзінай дзейнай мадэллю на тэрыторыі Паўднёвай федэральнай акругі РФ.

Апроч агляду экспанатаў музея, наведнікі могуць на сабе выпрабаваць лажамент, у якім касманаўты знаходзяцца падчас старту і прызямлення, здзейсніць віртуальны лёт у космас і паглядзець дакументальны фільм пра жыццё і працу людзей на арбіце.

Музей займаецца шырокай навукова-даследніцкай і культурна-асветніцкай дзейнасцю. У ім часта арганізуюцца пазнавальна-забаўляльныя імпрэзы на тэмы, злучаныя з космасам.

Спасылкі[правіць | правіць зыходнік]