Руслан Хасінавіч Болаў

З пляцоўкі Вікіпедыя
Jump to navigation Jump to search
Футбол
Руслан Болаў
Ruslan bolov.jpg
Агульная інфармацыя
Поўнае імя Руслан Хасінавіч Болаў
Нарадзіўся 7 мая 1994(1994-05-07)[1] (26 гадоў)
Грамадзянства Flag of Russia.svg Расія
Рост 183 см
Вага 71 кг
Пазіцыя нападнік
Інфармацыя пра клуб
Клуб Узбекістан Наўбахор
Кар’ера
Маладзёжныя клубы
1999 — 2012 Расія Спартак-Нальчык
Клубная кар’ера*
2011 — 2013 Расія Спартак-Нальчык 24 (2)
2013 — 2018 Расія Краснадар 0 (0)
2013   Расія Краснадар-2 10 (2)
2014   Расія Спартак-Нальчык 11 (2)
2014 — 2016   Расія Валгар (Астрахань) 45 (5)
2016 — 2017   Расія Факел (Варонеж) 32 (2)
2017 — 2018   Расія Авангард (Курск) 28 (3)
2018 Расія Хімкі 11 (0)
2018   Расія Хімкі-М 1 (1)
2019 Беларусь Гомель 29 (9)
2020 — Узбекістан Наўбахор (Наманган)
Нацыянальная зборная**
2010 Расія Расія (да 17) 4 (1)
2012 — 2014 Расія Расія (да 19) 8 (3)
2012 — 2016 Расія Расія (да 21) 19 (5)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 10 лютага 2020.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 31 сакавіка 2019.

Руслан Болаў (нар. 7 мая 1994, Нальчык) — расійскі футбаліст, нападнік узбекскага клуба «Наўбахор» з Намангана.

Клубная кар’ера[правіць | правіць зыходнік]

Нарадзіўся ў Нальчыку і пачынаў займацца футболам у мясцовай школе. З 2010 года выступаў за моладзевую каманду нальчыкскага «Спартака». 17 ліпеня 2011 года ў кубкавым матчы з уладзімірскім «Тарпеда» дэбютаваў у асноўнай камандзе, а 18 сакавіка 2012 года ў матчы з самарскімі «Крыламі Саветаў» дэбютаваў у Прэм’ер-лізе.

У ліпені 2013 года падпісаў кантракт з «Краснадар», дзе выступаў за рэзервовую і другую каманды. У лютым 2014 года на правах арэнды вярнуўся ў нальчыкскі «Спартак», а ў сезоне 2014/15, пасля таго як «Спартак» зняўся з Першынства ФНЛ, быў арандаваны астраханскім «Валгаром», дзе правёў два гады. Сезон 2016/17 правёў у варонежскім «Факеле», а ў сезоне 2017/18 разам з курскім «Авангардам» дайшоў да фіналу Кубка Расіі. У ліпені 2018 года, канчаткова пакінуўшы «Краснадар», стаў іграком клуба «Хімкі».

У сакавіку 2019 года падпісаў кантракт з беларускім клубам «Гомель»[2]. Стаў асноўным нападнікам гомельскага клуба, з 9 галамі стаў другім бамбардзірам каманды ў сезоне 2019, але не здолеў выратаваць яе ад вылету ў Першую лігу. У студзені 2020 года па заканчэнні кантракта пакінуў «Гомель»[3].

У лютым 2020 года далучыўся да ўзбекскага клуба «Наўбахор» з Намангана[4].

Міжнародная кар’ера[правіць | правіць зыходнік]

Выступаў за юнацкія і моладзевую зборную Расіі.

Зноскі

Спасылкі[правіць | правіць зыходнік]