Рэмка Эвенепул

Рэмка Эвенепул
нідэрл.: Remco Evenepoel
Агульная інфармацыя
Пол	мужчынскі пол
Спецыялізацыя	шашэйны веласпорт і футбол
Клуб	Soudal Quick-Step[d], Acrog-Tormans[d] і Forte Young CT[d]
Нарадзіўся	25 студзеня 2000(2000-01-25) (25 гадоў) Алст, акруга Алст[d], Усходняя Фландрыя, Фламандскі рэгіён, Бельгія
Грамадзянства	Бельгія
Рост	171 см
Вага	62 кг
Медыяфайлы на Вікісховішчы

Рэмка Эвенепул (нідэрл.: Remco Evenepoel; нар. 25 студзеня 2000 г., Алст, Фламандскі рэгіён) — бельгійскі шашэйны велагоншчык.

Біяграфія

Пачаў сваю спартыўную кар’еру ў якасці футбаліста. Ва ўзросце пяці гадоў далучыўся да бельгійскага «Андэрлехта». Калі яму было адзінаццаць гадоў, перайшоў у маладзёжную акадэмію нідэрландскага ПСВ Эйндховен, але ва ўзросце чатырнаццаці гадоў зноў вярнуўся ў «Андэрлехт». Паспеў згуляць за зборную Бельгіі ва ўзроставай катэгорыі U15 і U16.

Пасля шэрагу няўдач і расчараванняў у 2017 годзе перайшоў у веласпорт, у якім выступаў яго бацька, Патрык Эвенепул. У красавіку дэбютаваў у сваёй першай гонцы, а праз два месяцы атрымлівае сваю першую перамогу.

У ліпені 2018 года атрымаў перамогі ў індывідуальнай і групавой гонках на Чэмпіянаце Еўропы сярод юніёраў. Праз чатыры дні падпісвае прафесійны кантракт з камандай Quick-Step Floors на два гады. У верасні ў той жа ўзроставай катэгорыі становіцца чэмпіёнам свету ў індывідуальнай і групавой гонках.

У пачатку жніўня 2019 года атрымаў першую перамогу на гонцы Сусветнага тура UCI — Класіцы Сан-Себасцьяна.