Сатакунта

Сатакунта
шведск.: Satakunta фінск.: Satakunta
Сцяг Герб
Краіна	Фінляндыя
Гімн	Satakunnan laulu[d]
Уваходзіць у	Фінляндыя (2026—?)
Адміністрацыйны цэнтр	Поры
Дата ўтварэння	1 студзеня 1994
Насельніцтва	▼210 112 чал. (31 снежня 2025)
Плошча	8 269,35 км² (студзень 2021)
Код ISO 3166-2	FI-17
Афіцыйны сайт (фін.)
Медыяфайлы на Вікісховішчы

Сатакунта (фінск.: Satakunta) — вобласць на захадзе Фінляндыі на тэрыторыі былой ляні Заходняя Фінляндыя. Адміністрацыйны цэнтр — г. Поры. Перакладаецца назва «Сто каралеўстваў» (фін. Sata — сто, і фін. Kunta — каралеўства).

Геаграфія

Размешчана на заходнім узбярэжжы Фінляндыі, на беразе Батнічнага заліва. Значная частка тэрыторыі вобласці занята вадаёмамі. Большасць азёр Сатакунты маюць пясчанае дно і празрыстыя воды. Самае буйнае возера Пюхяярві ў Сякюля, у паўднёвай частцы вобласці. Праз сярэднюю Сатакунту працякае рака Кокемяенёкі і ў паўночнай частцы вобласці цячэ звілістая Карвіянёкі.

Рэльеф роўны. Самыя высокія пункты знаходзяцца ў паўночнай частцы (мясцовасці Ямі ў Яміярві і Алкіянвуоры ў Карвіа, дзе ёсць утвораныя ледавіковым перыядам гранітныя пагоркі).

Сярэдняя і паўднёвая часткі Сатакунты з’яўляюцца земляробчымі раёнамі. Прыморская прырода Сатакунты суровая, але прыгожая. Сярод прыродных славутасцяў — каля двухсот скалістых астравоў архіпелагу Оўрат у Мерыкарвыі, архіпелагі перад Лувія і Раўма, а таксама пясчаны пляж Юютэры.