Саўка ды Грышка

Саўка ды Грышка — беларуская народная песня, апрацоўка народнай мелодыі — Міхаіл Антонавіч Казінец

Песня мае два тэксты.

Гісторыя

Гістарычна песня — рэлігійная, калядная. Янка Купала ў 1920-х, каб была магчымасць выкарыстоўваць у савецкіх школах, перарабіў тэкст на нерэлігійны. Потым у кнігах змяшчалі адаптаваны на аснове Купалавага тэкст.

Адаптаваны	Гістарычны
Саўка ды Грышка ладзілі дуду Павесяліцца ды прагнаць нуду. Ду-ду-ду, ду-ду-ду, Ды прагнаць нуду. Як разышліся музыкі, гу-га! Згінула гора, згінула туга. У-га-га, у-га-га, Згінула туга. Дзедка старэнькі, ёмкі ўзяўшы жмут, Кіем на дзверы паказаў ім тут. Ту-ту-ту, ту-ту-ту, Паказаў ім тут. Вы сабе дуйце сваё го-ца-ца, Толькі не страшце малога хлапца. Го-ца-ца, го-ца-ца, Малога хлапца.	Саўка ды Грышка ладзілі дуду Павесяліцца з ёй на Каляду. Ду-ду-ду, ду-ду-ду, З ёй на Каляду. Як разышліся музыкі, гу-га! Згінула гора, згінула туга. У-га-га, у-га-га, Згінула туга. Дзедка старэнькі, ёмкі ўзяўшы жмут, Кіем на дзверы паказаў ім тут. Ту-ту-ту, ту-ту-ту, Паказаў ім тут. Вы сабе дуйце сваё го-ца-ца, Толькі не страшце Езуса-хлапца. Го-ца-ца, го-ца-ца, Езуса-хлапца

Выканаўцы

• «Песняры»

Спасылкі

• Песня са старым тэкстам у выкананні Данчыка (youtube)
• Песня ў выкананні Аляксандры Няхай (брала ўдзел у адборы на «Еўрабачанне», але не прайшла), (youtube)