Сера-ду-Мар

Сера-ду-Мар
Нацыянальны парк Сера-дус-Арганус на тэрыторыі Сера-ду-Мар
Геаграфічнае становішча
Тып	хрыбет
Мацярык	Паўднёвая Амерыка
Краіна	Бразілія
21°30′56″ пд. ш. 41°24′46″ з. д.
Сера-ду-Мар
Памеры
Даўжыня	1 500 км
Найвышэйшы пункт
Найвышэйшы пункт	Pico Maior de Friburgo[d]
Вышыня	604 м
Геалогія
Перыяд утварэння	трыясавы перыяд
Медыяфайлы на Вікісховішчы

Сера-ду-Мар (парт.: Serra do Mar) — горная сістэма ў паўднёва-ўсходняй частцы Бразіліі.

Даўжыня — 1500 км, а вышыня — да 1889 м.

Горная сістэма з’яўляецца прыўзнятым краем крышталічнага Атлантычнага шчыта, які рэзка абрываецца да Атлантычнага акіяна, што надае ўсходнім схілам выгляд горных хрыбтоў. Пры гэтым геалагічны ўзрост нагор’я роўны 60 млн гадоў.

З прычыны шматлікіх высечак лесу і ўрбанізацыі, экасістэма Сера-ду-Мар зведала значныя змены. Знішчана частка падлеску, зніклі некаторыя каштоўныя віды жывёл і раслін. Сёння функцыі захавання біялагічнай разнастайнасці ўскладзены на нацыянальныя прыродныя паркі, экалагічныя станцыі і запаведнікі, аднак па-ранейшаму лясныя пажары, кіслотныя дажджы і браканьеры знішчаюць яго.

З прычыны геалагічнай каштоўнасці, багацця фаўны і флоры, частка Сера-ду-Мар на тэрыторыі штата Сан-Паўлу абаронена Кандэфаатам і ўключана ў спіс Гістарычнай спадчыны штата Сан-Паўлу 6 чэрвеня 1985 года.

Паводле артыкула 225 § 4 Канстытуцыі Федэратыўнай Рэспублікі Бразілія, Сера-ду-Мар, трапічны лес Амазонкі, Атлантычны лес, Мата-Гросэнс Пантанал і яго прыбярэжная зона з’яўляюцца нацыянальнай спадчынай. Частка Сера-ду-Мар была абвешчана аб’ектам Сусветнай спадчыны ў 1999 годзе як частка «Запаведніка Мата-Атлантыка-дэль-Судэста».

На тэрыторыі нагор’я знаходзяцца такія гарады, як Сан-Паўлу і Рыа-дэ-Жанэйра. Выток ракі Параіба-ду-Сул.