Сініца чорная

З пляцоўкі Вікіпедыя
Jump to navigation Jump to search
Сініца чорная
Parus ater01.jpg
Навуковая класіфікацыя
Міжнародная навуковая назва

Periparus ater Linnaeus, 1758

Арэал

выява

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  561927
NCBI  156567
EOL  4404720
FW  373328

Сініца чорная, або маскоўка (Periparus ater) — птушка сямейства сініцавых.

Апісанне[правіць | правіць зыходнік]

Даўжыня цела 11 см, размах крылаў 17-21 см. Чорныя горла i галава (з белымi шчокамi), белая пляма на патылiцы, нiз цела белаваты. Маладыя з жоўтымi шчокамi, нiзам цела i плямкай на патылiцы. Песня даволi гучная i рытмiчная.

Пашырэнне[правіць | правіць зыходнік]

Арэал: Палеарктыка (акрамя поўначы i поўдня), на поўдні арэал разарваны. Насяляе хваёвыя альбо мяшаныя лясы з вялікай колькасцю елак i лiстоўнiц; пазбягае лісцевых лясоў. У некаторых частках арэала (Каўказ, Паўднёвая Еўропа, Паўночная Афрыка) засяляе букавыя цi дубовыя лясы. У Татрах даходзiць да 1580 м. На Беларусі звычайны аселы і качуючы від.

У паўночна-ўсходняй частцы арэала пералётная, у iншых — аселая. Часам шматлікія залёты (інвазіі) ізаляваных папуляцый ці на большай частцы арэала. У Еўропе адзначаюцца ў канцы жніўня ці на пачатку верасня.

Асаблівасці біялогіі[правіць | правіць зыходнік]

Гняздо ў дупле (як у натуральным, так і ў штучным) з вузкай адтулінай на вышынi 1,6-2 м, часта на зямлi паміж каранёў, пад каменнем, у норах, часам у спарахнелых стволіках, шчылiнах скал i муроў. Знешняя частка з зялёнага моху, унутраная — з воўны, валосся і шэрсці, рэдка з прымессю пёраў.

Яйкі (звычайна 6-11) з вострым вузейшым канцом. Белыя, матавыя, з дробнымі і рэдкімі чырвонымі або чырвона-карычневымi плямкамі, часам згушчанымi на шырэйшым канцы.

Літаратура[правіць | правіць зыходнік]

  • Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.