Сяргей Міхайлавіч Пчалінцаў

Сяргей Міхайлавіч Пчалінцаў
Дата нараджэння	22 кастрычніка 1952(1952-10-22) (71 год)
Месца нараджэння	Броды, Бродыўскі раён, Львоўская вобласць, УССР, СССР
Род дзейнасці	мастак
Месца працы	Беларускі дзяржаўны тэатральна-мастацкі інстытут
Вучоба	Беларускі дзяржаўны тэатральна-мастацкі інстытут (1975)
Член у	Беларускі саюз мастакоў

Сяргей Міхайлавіч Пчалі́нцаў (22 кастрычніка 1952, г. Броды, Львоўская вобласць, УССР) — беларускі мастак.

Біяграфія

Скончыў у 1975 годзе Беларускі тэатральна-мастацкі інстытут, у 1978—1985 гадах выкладаў у ім.

Член Беларускага саюза мастакоў з 1988 года.

Творчасць

Аўтар графічных твораў «Развянчаны час» (1984), «Раніца» (1987), «У рытме вадзяных кругоў» (1988), дыпціхаў «Кантрапункт» (1980), «Часовыя ўражанні» (1987), трыпціха «На краі» (1989), серыі «Загадкі вялікага лесу» (1988—1990); жывапісных кампазіцый «Удар кап’ём» (1993), «Паток» (1995), «Збіранне ракавін», «На каўчэгу» (1998), «У рытме вадзяных кругоў» (2000), серыі «Татэмы» (1991—1992), плакатаў, афармлення кніг. Творам уласцівы асацыятыўная і сімвалічная мова, спалучэнне выяўленчых матываў і абстрактнай кампазіцыі.

Літаратура

• Л. Ф. Салавей. Пчалінцаў Сяргей Міхайлавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).