Татой (могілкі)
| Татой? | |
|---|---|
 | |
| 38°09′17″ пн. ш. 23°47′41″ у. д.HGЯO | |
| Размяшчэнне | |
| Краіна | |
| Перыферыя | Атыка |
| Перыферыйная адзінка | Ахарнэ |
| Гісторыя | |
| Дата заснавання | 1880 |
| Першае пахаванне | 1880 |
 | |
 Медыяфайлы на Вікісховішчы | |
Тато́й (грэч. Τατόι) — некропаль грэчаскіх манархаў, размешчаны ў паркавай зоне палаца Татой, на схіле гары Парніс у Атыцы, за 27 км ад цэнтра Афін (15 км ад граніцы горада).
Гісторыя[правіць | правіць зыходнік]
У 1880 годзе ў парку Татоя з'явілася першае пахаванне — малалетняй дачкі Георга I Вольгі. Пазней і іншыя дзеці Георга I знайшлі свой спачынак у маёнтку — Мікалай Георгіевіч, Андрэй Грэчаскі, Хрыстафор Грэчаскі і Марыя Георгіеўна.
На каралеўскіх могілках пахаваны ўсе грэчаскія каралі з дынастыі Глюксбургаў: Георг I, Канстанцін I (і яго жонка Сафія Пруская), Аляксандр I, Георг II, Павел I і Канстанцін II[1].
На могілках пахаваныя таксама прадстаўнікі рускай імператарскай дынастыі — каралева Вольга Канстаўцінаўна, вялікая князёўна Алена Уладзіміраўна, вялікая княгіня Аляксандра Георгіеўна (у 1939 годзе яе рэшткі былі перанесены ў Грэцыю з СССР).
Пахаванні на могілках працягваюцца і пасля скасавання манархіі ў Грэцыі. У 1981 годзе тут была пахавана каралева Фрыдэрыка Грэчаская, удава Паўла I, а ў 1990-я і 2000-я — дзве грэчаскія прынцэсы — Кацярына, дачка Канстанціна I, а таксама дачка Аляксандра I Аляксандра Грэчаская і яго жонка Аспасія Манас.
Зноскі
- ↑ Nicholas Gage and Joan Paulson Gage. Why Is the King of Greece Living as a Commoner? (англ.). townandcountrymag.com. Town and Country (21 жніўня 2015). Архівавана з першакрыніцы 28 снежня 2021. Праверана 21 снежня 2021.
Спасылкі[правіць | правіць зыходнік]
На Вікісховішчы ёсць медыяфайлы па тэме Татой (могілкі)
