Томас Харт Бентан

Томас Харт Бентан
англ.: Thomas Hart Benton
Дата нараджэння	15 красавіка 1889(1889-04-15)[…]
Месца нараджэння	Neosho[d], Newton County[d], Місуры, ЗША
Дата смерці	19 студзеня 1975(1975-01-19)[…] (85 гадоў)
Месца смерці	Канзас-Сіці, Джэксан, Місуры, ЗША
Грамадзянства	ЗША
Бацька	Maecenas Eason Benton[d]
Жонка	Rita Piacenza Benton[d]
Род дзейнасці	мастак, выкладчык універсітэта, рысавальнік, мастак-манументаліст, cartoonist, літограф, графік, настаўнік, ілюстратар, мастак-гравёр, скульптар, дызайнер, архітэктурны чарцёжнік
Месца працы	Ліга студэнтаў-мастакоў Нью-Ёрка[d] Інстытут мастацтваў Канзас-Сіці[d] City and Country School[d]
Жанр	бытавы жанр і social-artistic project[d]
Вучоба	Школа мастацтваў інстытут Чыкага[d] Акадэмія Жуліяна Інстытут мастацтваў Канзас-Сіці[d] Western Military Academy[d] Corcoran College of Art and Design[d]
Мастацкі кірунак	Regionalism[d]
Уплыў	Жан-Поль Ларан[d]
Уплыў на	Kenneth Riley[d]
Член у	Амерыканская акадэмія мастацтваў і літаратуры[d]
Узнагароды	залатая пласціна Акадэміі дасягненняў[d] (1960)
Медыяфайлы на Вікісховішчы

Томас Харт Бентан (англ.: Thomas Hart Benton; 15 красавіка 1889, Неоша, Місуры — 19 студзеня 1975, Канзас-Сіці, Місуры) — амерыканскі мастак. Разам з Джонам Сцюартам Керы і Грантам Вудам — ​​адзін з галоўных прадстаўнікоў амерыканскага рыджыяналізму і муралізму.

Жыццё і творчасць

Томас Бентан нарадзіўся ў заможнай сям’і дэпутата палаты прадстаўнікоў ЗША і адваката, дзед яго быў сенатарам ЗША (таксама Томас Харт Бентан). Дзяцінства прайшло як у Місуры, так і ў сталіцы краіны Вашынгтоне.

Насуперак планам бацькі, які спадзяваўся на палітычную кар’еру для сына, Бентан абраў жывапіс. Маці падтрымлівала яго фінансава і маральна, каб ён мог займацца мастацтвам. Юнаком ён супрацоўнічаў з мясцовай газетай Joplin American (Місуры), маляваў для яе карыкатуры і коміксы. У 1907 годзе Бентан паступіў у чыкагскі Інстытут мастацтваў, а ў 1909 годзе з’ехаў у Парыж, дзе вучыўся ў Акадэміі Жуліяна. У Парыжы Бентан пазнаёміўся з некаторымі амерыканскімі і мексіканскімі мастакамі, сярод якіх былі Дыега Рывера і Стэнтан Макдональд-Райт, прадстаўнік сінхрамізму ў жывапісе. Пад уплывам Райта ў творах Бентана таксама адчуваюцца элементы сінхрамізму.

Пасля вучобы ў Еўропе, Бентан у 1912 годзе вярнуўся ў Нью-Ёрк. Падчас Першай сусветнай вайны ён служыў у ВМС ЗША і быў накіраваны ў Норфалк, штат Віргінія. Тут займаўся стварэннем асляпляльнага (ахоўнага) камуфляжу для амерыканскіх караблёў.

Пасля заканчэння вайны выкладаў у школе Ліга студэнтаў-мастакоў Нью-Йорка. Сярод яго вучняў у канцы 1920-х — пачатку 1930-х гадоў быў Джэксан Полак.

У 1922 годзе яго жонкай становіцца італьянская імігрантка Рыта П’ячэнцу, з якой ён пражыў амаль 53 гады.

У 1935 годзе Бентану было даручана стварыць серыю фрэсак для Капітолія штата Місуры ў Джэферсан-Сіці. Фрэскі пад назвай «Сацыяльная гісторыя Місуры» ўяўляюць сабой 13 панэляў са сцэнамі заснавання і гісторыі штата Місуры. Ён пасяліўся ў Канзас-сіці і заняў пасаду выкладчыка ў Мастацкім інстытуце.