Тоні Вітэн

Тоні Вітэн
Агульная інфармацыя
Пол	мужчынскі пол
Спецыялізацыя	акадэмічнае веславанне
Нарадзіўся	17 сакавіка 1994(1994-03-17) (30 гадоў) Амстэрдам, Паўночная Галандыя, Нідэрланды, Каралеўства Нідэрландаў
Грамадзянства	Каралеўства Нідэрландаў
Альма-матар	Амстэрдамскі ўніверсітэт
Рост	2,01 м
Вага	102 кг
Медыяфайлы на Вікісховішчы

Тоні Вітэн (нідэрл.: Tone Wieten, нар. 17 сакавіка 1994, Амстэрдам) — галандскі спартсмен, вясляр, чэмпіён свету, чэмпіён (2020) і бронзавы прызёр (2016) Алімпійскіх гульняў, а таксама прызёр кубка свету.

Біяграфія

Тоні Вітэн нарадзіўся 17 сакавіка 1994 года ў горадзе Амстэрдам, Паўночная Галандыя. Прафесійную кар’еру весляра пачаў з 2004 года. Трэніруецца на базе вяслярнага клуба «RVWillem III» у Амстэрдаме. У гэты клуб яго прывяла маці, калі яму было дзесяць гадоў.

Першыя спаборніцтвы міжнароднага ўзроўню, на якіх Вітэн прыняў удзел быў — кубак свету па акадэмічным веславанні 2013 года сярод юніёраў у Лінцы (2013 UNDER 23 WORLD ROWING CHAMPIONSHIPS). У складзе васьмёркі з вынікам 06:00.670 яго каманда заняла 5 месца, дзе з зоны ўзнагароджання іх адціснулі сапернікі з Аўстраліі (05:56.350 — 4-е месца) і Італіі (05:56.150 — 3-е месца).

Першыя спаборніцтвы на якіх Вітэн выйграў свой першы медаль быў I этап кубка свету па акадэмічным веславанні 2014 года ў Сіднеі (2014 WORLD ROWING CUP I). У складзе васьмёркі галандскіх весляроў, з вынікам 05:37.760, яго каманда заняла другое месца, саступіўшы залаты медаль камандзе з Аўстраліі (05:35.580)[5].

Бронзавы медаль у яго актыве быў зароблены на чэмпіянаце свету па акадэмічным веславанні 2015 года, у французскім горадзе Эгбелет-ле-Лак. Вітэн у складзе галандскай васьмёркі заняў трэцяе месца з вынікам 05:38.090.

Першы алімпійскі медаль на рахунку Вітэна быў выйграны падчас Летніх Алімпійскіх гульняў 2016 у Рыа-дэ-Жанейра. Галандская васьмёрка весляроў з вынікам 05:31.590 саступілі першынство камандам з Германіі (05:30.960 — 2-е месца) і Вялікабрытаніі (05:29.630 — 1-е месца). Са старту галандскія спартсмены ішлі пятымі, палепшылі свой вынік на адну пазіцыю вышэй — пасля 1000 м. Пасля 1500 м, абагнаўшы сапернікаў з Новай Зеландыі яны ішлі трэцімі да канца дыстанцыі.