Тры нягоднікі ў схаванай крэпасці

Тры нягодніка ва ўтоенай крэпасці
隠し砦の三悪人
Жанр	прыгодніцкі фільм і драматычны фільм
Рэжысёр	Акіра Курасава
Прадзюсар	Санецумі Фудзімота Акіра Курасава
Сцэнарыст	Акіра Курасава Сінобу Хасімота[d] Хідэа Агуні[d]
У галоўных ролях	Тасіра Міфунэ Міса Уэхара[d] Мінору Тыякі[d] Каматары Фудзівара[d] Такасі Сімура[d] Сусуму Фудзіта[d] Тасіка Хігуці[d] Ю Фудзікі[d] Ёсіа Цутыя[d] Куніноры Кода[d]
Аператар	Казуа Ямасакі
Кампазітар	Масару Сата[d]
Кінакампанія	Toho[d]
Працягласць	139 хвілін
Бюджэт	195 000 000 ¥
Зборы	342 640 000 ¥
Краіна	Японія
Мова	Японская
Год	1958
IMDb	ID 0051808
Медыяфайлы на Вікісховішчы

«Тры нягодніка ва ўтоенай крэпасці» (яп.: 隠し砦の三悪人 Kakushi toride-no san akunin) — японская кінастужка Акіры Курасавы 1958 года, знятая ў жанры дзідай-гэкі. Фільм зрабіўся сама прыбытковым сярод усіх фільмаў Курасавы на той час. У здымках прымалі ўдзел японскія акторы Тасіра Міфунэ і Міса Уехара.

Тэхніка асвятлення падзей у стужцы з боку другавартасных персанажаў моцна паўплывала на рэжысёра Джорджа Лукаса, які выкарыстаў яе падчас стварэння Зорных Войнаў.

Сюжэт

Падзеі разгортваюцца вакол двух валацуг — Тахеі (Мінору Чыакі) і Матасіці (Каматары Фудзівара), якія былі збіраліся ваяваць на баку клана Ямана, але спазніліся, былі захоплены ў палон як жаўнеры разбітага клана Акідзукі і вымушаны хаваць памерлых. Яны намагаюцца вярнуцца дадому, але не могуць перайсці мяжу паміж землямі двух кланаў, бо яна моцна ахоўваецца. Тахеі і Матасіці сварацца, і кожны вырашае ісці сваім шляхам. Але неўзабаве іх зноў бяруць у палон і прымушаюць шукаць золата ў разбураным замку клана Акідзукі.

Пасля паўстання сярод палонных, Тахеі і Матасіці пускаюцца ва ўцёкі. У гарах каля ракі, яны знаходзяць залатыя зліткі з выявай паўмесяца клана Акідзукі. Там жа, ля ракі, яны сустракаюць Макабэ Ракуроту(Тасіра Міфунэ), былога генерала зрынутага клана Акідзукі. Макабэ жадае прыцягнуць абоіх валацуг да свайго плана па выратаванню прынцэсы Юкі Акідзукі (Міса Уехара) і перапраўкі золата прынцэсы на тэрыторыю клана-хаўрусніка. Ён прапануе кожнаму долю золата за дапамогу, але не расказвае, што за золата яны будуць перавозіць, і што за дзяўчыну яны будуць суправаджаць у сваім паходзе.

Тым часам жаўнеры клана Ямана вядуць пошукі зніклай прынцэсы Юкі і золата клана Акідзукі. Макабэ, разам з Тахеі, Матасіці і Юкі прабіраюцца праз тэрыторыю клана Ямана, сустракаючы на сваім шляху шмат перашкод, адной з якіх з’яўляецца хцівасць саміх валацуг. Яны часам намагаюцца забраць усё золата і збегчы, але кожны раз сварацца і не могуць дамовіцца наконт падзела скрадзенага. Урэшце, усю кампанію захоплівае ў палон генерал клана Ямана Хёэ Тадакора (Сусуму Фудзіта).

Усім захопленым пагражае смяротнае пакаранне, але генерал Тадакора ў апошні момант вырашае перайсці на бок прынцэсы Юкі і генерала Ракуроты і дае ўсім збегчы. Тахеі і Матасіці зноў апынаюцца адны пасярод дарогі і зноў знаходзяць золата, якое наклунілі на коней. Іх зноў бяруць у палон, але на гэты раз жаўнеры Акідзукі. Крыху пазней яны ўганарованы аўдыенцыяй у прынцэсы Юкі, якая расказвае ім увесь план Ракуроты і ўзнагароджвае іх адным залатым р’ё. На гэты раз Матасіці і Тахеі не спрачаюцца наконт золата.

У ролях

Акцёр	Роля
Тасіра Міфунэ	генерал Ракурота Макабэ
Мінору Чыакі	Тахеі
Каматары Фудзівара	Матасіці
Сусуму Фудзіта	генерал Хёэ Тадакора
Такасі Сімура	генерал Ізумі Накагура
Міса Уехара	прынцэса Юкі
Тосіка Хігуці	дачка фермера, якую купілі у гандляра рабамі

Жанр

Жанр дзідай-гэкі, у якім зняты фільм, абавязвае рэжысёра здымаць з пункту гледжання некампетэнтных, дурных і хцівых аферыстаў. Тым не менш, фільмы дадзенага жанра маюць глыбокае значэнне. Для Курасавы цэнтральнай была роля прынцэсы Юкі: ён пргалядзеў больш за 100 кандыдатак на гэту ролю, каб выбраць нікому дагэтуль невядомую Місу Уехара.

Уплыў

Тры нягодніка ва ўтоенай крэпасці мелі вялікі ўплыў на Джорджа Лукаса і яго Зорныя Войны. Можна знайсці шмат паралеляў паміж падзеямі двух стужак. Расказ пра падзеі вядзецца з боку другавартасных персанажаў (Тахеі і Матасіці і дроіды C-3PO and R2-D2), пачатак фільмаў (двое сварацца ў пустэльні) і канчатковыя эпізоды (двое стаяць перад прынцэсай на троне ў атачэнні генералаў каб атрымаць узнагароду).

Узнагароды

На Міжнародным Берлінскім кінафестывалі ў 1959 годзе Акіра Курасава атрымаў «Срэбранага мядзьведзя» за рэжысуру. Фільм таксама атрымаў узнагароду за лепшы сцэнарый на Kinema Junpo Awards.

Спасылкі

• «Тры нягодніка ва ўтоенай крэпасці» на сайце «Internet Movie Database» (англ.)
• «Тры нягодніка ва ўтоенай крэпасці» на сайце «Rotten Tomatoes» (англ.) (рэйтынг 100 % па выніках 22 водгукаў)