Тэдзі (кінапрэмія)

З пляцоўкі Вікіпедыя
Jump to navigation Jump to search

«Тэдзі» (ням.: Teddy) — спецыяльная ўзнагарода Берлінскага кінафестывалю, якая ўручаецца лепшым фільмам, паказаным у рамках агляду, якія закранаюць праблемы гомасексуальных людзей.

Прэмія заснавана ў 1987 годзе нямецкімі кінематаграфістамі Віландам Шпекам і Манфрэдам Зальцгеберам[1] і з тых часоў уручаецца штогод. Першымі прызёрамі сталі цяпер сусветна вядомыя рэжысёры Гас Ван Сент і Педра Альмадовар, першым узнагароджаным фільмам — «Закон жадання». У 1990 годзе адбыўся першы банкет у рамках цырымоніі ўзнагароджання, які прайшоў у берлінскім гей-цэнтры SchwuZ. І толькі ў 1992 годзе Берлінскі кінафестываль афіцыйна зацвердзіў «Тэдзі» сваёй праграмнай часткай.

У наш час узнагарода прысуджаецца міжнародным журы з дзевяці чалавек у трох намінацыях: «лепшы кароткаметражны фільм», «лепшы мастацкі фільм» і «лепшы дакументальны фільм». Сярод уладальнікаў «Тэдзі» такія рэжысёры як Дэрэк Джармен[2], Себасцьен Ліфшыц, Лукас Мудысан, Франсуа Азон і Тод Хейнс[2]. У 2007 годзе таксама быў заснаваны прыз сімпатый гледачоў «Тэдзі».

Зноскі

  1. Петербургский ЛГБТ-кинофестиваль получил награду Teddy Award. Росбалт. Архівавана з першакрыніцы 27 лютага 2013. Праверана 27 лютага 2013.
  2. 2,0 2,1 Argentine film takes top Teddy award as Berlinale prizes approach. The Local(англ.) бел.. Архівавана з першакрыніцы 27 лютага 2013. Праверана 27 лютага 2013.

Спасылкі[правіць | правіць зыходнік]