Уладзіслаў Уладзіміравіч Кавалёў

Уладзіслаў Уладзіміравіч Кавалёў
Краіны:	Беларусь
Дата нараджэння:	6 студзеня 1994(1994-01-06) (30 гадоў)
Месца нараджэння:	Мінск, Беларусь
Званне:	майстар ФІДЭ[d], міжнародны майстар[d] і гросмайстар[d]
Актуальны рэйтынг:	2 539 (ліпень 2024)
Медыяфайлы на Вікісховішчы

Уладзісла́ў Уладзі́міравіч Кавалёў (нар. 6 студзеня 1994, Мінск) — беларускі шахматыст, гросмайстар (2013).

Біяграфія

Займацца шахматамі пачаў у сем гадоў. Першы трэнер — Леанід Суднік; у 2005—2013 гадах — Сімяон Мерыбанаў.

Спартыўная кар’ера

Сяміразовы чэмпіён і шматразовы прызёр Беларусі сярод юнакоў у розных узроставых катэгорыях. Шматразовы чэмпіён Беларусі ў хуткіх шахматах сярод юнакоў. У 2005 годзе падзяліў 1—2 месца на Кубку Беларусі па хуткіх шахматах сярод мужчын. Чэмпіён Рэспублікі Беларусі сярод мужчын (2016).

Удзельнік Сусветных шахматных Алімпіяд у Стамбуле (2012), Тромсё (2014), Баку (2016) і Батумі (2018) у складзе зборнай, камандных чэмпіянатаў Еўропы 2013 (Варшава), 2017 (Крыт) і свету 2017 (Ханты-Мансійск).

Майстар спорту міжнароднага класу Рэспублікі Беларусі. У 2009—2015 гадах стыпендыят Прэзідэнцкага спартыўнага клуба.

У 2020 годзе падпісаў ліст спартсменаў з патрабаваннямі сумленных выбараў і спынення гвалту, пасля чаго быў звольнены з Рэспубліканскага цэнтру алімпійскай падрыхтоўкі. У ліпені 2021 года адмовіўся выступаць пад сцягам Беларусі і пачаў выступаць пад сцягам ФІДЭ.

Спасылкі

• Асабістая картка [1] на сайце ФІДЭ
• Партыі 117697 Уладзіслава Кавалёва у базе Chessgames

• Профіль на сайце 365chess
• Выступленні Уладзіслава Кавалёва на шахматных алімпіядах
• Выступленні Уладзіслава Кавалёва на чэмпіянатах Еўропы