Універсітэт Уэст-Ліберці

Універсітэт Уэст-Ліберці
англ.: West Liberty University
Арыгінальная назва	англ.: West Liberty University
Заснаваны	1837
Студэнты	2 481
Размяшчэнне	Уэст-Ліберці, Заходняя Вірджынія, ЗША
Сайт	westliberty.edu

Універсітэт Уэст-Ліберці (англ.: West Liberty University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Уэст-Ліберці ў штаце Заходняя Вірджынія.

Агульная характарыстыка

Гэта старэйшая вышэйшая навучальная ўстанова Заходняй Вірджыніі. Яна прапануе больш за 70 спецыяльнасцей бакалаўрыяту, магістратуры і аспірантуры, у тым ліку ступень магістра ў галіне адукацыі, праграму навучання на асістэнта ўрача і онлайн-праграму магістра бізнес-адміністравання.

Установа адукацыі, што цяпер называецца Універсітэтам Уэст-Ліберці, была створана як Акадэмія Уэст-Ліберці 30 сакавіка 1837 года, за 26 гадоў да таго, як штат аддзяліўся ад Вірджыніі. Яна была створана, каб адказаць на патрэбу ў магчымасцях атрымання вышэйшай адукацыі на захад ад гор Апалачы.

Першапачаткова ўстанова была звычайнай школай і атрымала назву ад горада, у якім яна знаходзіцца. У сваю чаргу горад Уэст-Ліберці быў названы так у канцы XVIII стагоддзя як самая заходняя кропка так званай «новай свабоды», якую надала Дэкларацыя незалежнасці ЗША.

Структура

• Каледж бізнесу
• Каледж вольных і крэатыўных мастацтваў і камунікацый
• Каледж адукацыі і чалавечай дзейнасці
• Каледж прыродазнаўчых навук

Гл. таксама

• Спіс універсітэтаў штата Заходняя Вірджынія

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная інтэрнэт-старонка ўстановы