Уінстан-Сейлемскі дзяржаўны ўніверсітэт

Уінстан-Сейлемскі дзяржаўны ўніверсітэт
англ.: Winston-Salem State University
Арыгінальная назва	англ.: Winston-Salem State University
Заснаваны	1892
Студэнты	5 169
Размяшчэнне	Уінстан-Сейлем, Паўночная Караліна, ЗША
Сайт	wssu.edu
Медыяфайлы на Вікісховішчы

Уінстан-Сейлемскі дзяржаўны ўніверсітэт (англ.: Winston-Salem State University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Уінстан-Сейлем у штаце Паўночная Караліна.

Агульная характарыстыка

Гэта гістарычна "чорны" ўніверсітэт, дзе традыцыйна большасць студэнтаў складаюць афраамерыканцы.

Універсітэт быў заснаваны як Сейлемская індустрыяльная акадэмія 28 верасня 1892 года. Яна пачалася з 25 вучняў і аднаго выкладчыка ў адным пакоі. У 1895 годзе вучэльня была прызнана штатам Паўночная Караліна. У 1925 годзе генеральная асамблея Паўночнай Караліны перайменавала вучэльню ў педагагічны каледж, а дзяржаўны савет па адукацыі Паўночнай Караліны дазволіў яму прысвойваць дыпломы настаўнікаў пачатковых класаў.

Універсітэт займае 7-е месца ў Злучаных Штатах па рэйтынгу ВНУ па індэксе сацыяльнай мабільнасці.

Структура

• Каледж мастацтваў, навукі, бізнесу і адукацыі
• Школа навук пра здароўе
• Аспірантура і прафесійныя праграмы
• Універсітэцкі каледж бесперапыннай адукацыі

Гл. таксама

• Спіс універсітэтаў штата Паўночная Караліна

Спасылкі

• На Вікісховішчы ёсць медыяфайлы па тэме Уінстан-Сейлемскі дзяржаўны ўніверсітэт
• Афіцыйная інтэрнэт-старонка ўстановы Архівавана 18 верасня 2020.