Фрыдрыхштат (Дрэздэн)
![](http://upload.wikimedia.org/wikipedia/commons/thumb/7/7c/Dresden_Luftbild_Blickrichtung_Sueden.jpg/220px-Dresden_Luftbild_Blickrichtung_Sueden.jpg)
Фрыдрыхштат (ням.: Friedrichstadt) — адміністрацыйны раён у горадзе Дрэздэн, які знаходзіцца на левым беразе ракі Эльба.
Плошча раёна складае 6,05 км², насельніцтва 5 259 чалавек (2003 год).
Гісторыя
[правіць | правіць зыходнік]Упершыню гэтая частка Дрэздэна была згадана ў 1206 годзе ў грамаце саксонскага маркграфа Дзітрыха Майсенскага, у якой таксама ўпершыню згадваўся і сам Дрэздэн. У той час гэта была невялікая вёска, якая на старалужыцкай мове называлася Oztrov (ці Ostra — у больш позніх варыянтах). Гэтая назва красамоўная, бо гэты раён, які знаходзіцца на захад ад упадзення ракі Вайсерыц у Эльба, ніколі не затапліваецца падчас павадкаў. У XV стагоддзі да Остры далучыліся яшчэ дзве вёскі: Rostagk і Wernten. А пасля таго як у 1559 годзе вёска перайшла ў валоданне курфюрста Аўгуста, усе жыхары вёскі былі выселены, а на гэтых тэрыторыях былі закладзены сельскагаспадарчыя ўгоддзі.
У 1730 годзе саксонскі курфюрст Аўгуст Моцны ў гонар свайго сына Фрыдрыха Аўгуста даў вёсцы назву Фрыдрыхштат. У 1835 годзе Фрыдрыхштат стаў часткай Дрэздэна.
Славутасці
[правіць | правіць зыходнік]- Старыя каталіцкія могілкі
- Палац Бруль-Маркаліні (зараз шпіталь Дрэздэн-Фрыдрыхштат)
- Енідцэ (ням.: Yenidze)
- Дрэздэнскі выставачны комплекс
- Школьны музей Дрэздэна