Цынцынаційскі ўніверсітэт

Цынцынаційскі ўніверсітэт
англ.: University of Cincinnati
Арыгінальная назва	англ.: University of Cincinnati
Заснаваны	1819
Студэнты	42 421
Краіна	ЗША
Размяшчэнне	Цынцынаці, Агая, ЗША
Сайт	uc.edu
Медыяфайлы на Вікісховішчы

Цынцынаційскі ўніверсітэт (англ.: University of Cincinnati) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Цынцынаці ў штаце Агая, ЗША.

Агульная характарыстыка

Заснаваны ў 1819 годзе як Цынцынаційскі каледж, гэта старэйшая вышэйшая навучальная ўстанова ў Цынцынаці, у якой штогод навучаецца больш за 40 тысяч студэнтаў, што робіць вучэльню другім па велічыні ўніверсітэтам у штаце Агая.

Універсітэт мае 14 каледжаў з праграмамі ў галіне архітэктуры, бізнесу, адукацыі, тэхнікі, гуманітарных і прыродазнаўчых навук, права, музыкі і медыцыны. Медыцынскі каледж уключае навучальны шпіталь і некалькі біямедыцынскіх даследчых лабараторый. Універітэт таксама быў першай ВНУ, якая ўкараніла мадэль кааператыўнага навучання.

Вучэльня класіфікуецца як доктарскі ўніверсітэт з вельмі высокай даследчай актыўнасцю. Па дадзеных Нацыянальнага навуковага фонду ЗША, універсітэт выдаткаваў 480 мільёнаў долараў на даследаванні і распрацоўкі ў 2018 годзе, што паставіла яго на 54-е месца ў краіне.

Структура

• Каледж сумежных навук пра здароўе
• Каледж мастацтваў і навук
• Каледж бізнесу
• Музычны каледж-кансерваторыя
• Каледж дызайну, архітэктуры, мастацтва і планавання
• Каледж адукацыі, крымінальнай юстыцыі і сацыяльных паслуг
• Каледж права
• Каледж інжынерыі і прыкладных навук
• Каледж медыцыны
• Каледж медсястрынства
• Каледж фармацыі

Гл. таксама

• Спіс універсітэтаў штата Агая

Спасылкі

• На Вікісховішчы ёсць медыяфайлы па тэме Цынцынаційскі ўніверсітэт
• Афіцыйная інтэрнэт-старонка ўстановы