Шосавае

Шосавае - (шос, ад ням. Schoss падатак) — рэгулярны прамы падатак з продажу сельска-гаспадарчай прадукцыі і рамесных вырабаў у Рэчы Паспалітай. У Польшчы з 1456 дзяржаўны пабор з зямлі (лана), гар. пляцоў, гасцінцаў, млыноў, кірмашоў. У ВКЛ вядома з 16 стагоддзя, збіраліся дзяржаўным скарбам пры здачы на водкуп мыта, корчмаў і шынкоў. Збіралі дазорцы (экзактары) скарбу або арандатары з гандлю садавіной, косамі, воўнай, брусам, з корабаў іншых тавараў па спецыяльных інструкцыях і таксе з кожнага купца. Існавала да 1795.

Літаратура

• Drozdowski M. Podstawy finansowe działalności państwowej w Polsce, 1764—1793. Warszawa; Poznań, 1975.