Грыгарыянскі этрускі музей
Грыгарыянскі Этрускі музей (італ.: Museo Gregoriano Etrusco) — адзін з грыгарыянскіх музеяў Ватыкана, размешчаны ў палацы Інакенція VIII і будынку часоў Папы Пія IV.
Этрускі музей быў заснаваны па загаду Папы Рымскага Рыгора XVI і адкрыты ў 1837 годзе. Асновай для яго стварэння паслужылі знаходкі, выяўленыя пры археалагічных раскопках (з 1828 года) антычных паселішчаў у паўднёвай Этрурыі. Вялікая частка экспанатаў знойдзена пры раскопках 1836—1837 гадоў у некропалі пры Сорба (на поўдзень ад Чэрветэры).
Археалагічныя знаходкі з IX—I стагоддзяў да н. э. размешчаны ў 22 залах музея. Тут выстаўлены шматлікія прадметы побыту этрускаў з керамікі, бронзы, золата і серабра. Да экспанатаў музея таксама адносяцца бронзавая статуя Марса (IV стагоддзе да н. э.), мармуровы партрэт (герма) Афіны (фрагмент з Парфенона, V стагоддзе да н. э.). Частку музея займаюць старажытнагрэчаскія сасуды, знойдзеныя ў некропалях этрускаў, а таксама прадметы побыту рымлян (Antiquarium Romanum) з бронзы, сцякла, тэракоты і керамікі.
Гл. таксама
[правіць | правіць зыходнік]Літаратура
[правіць | правіць зыходнік]- Pomella, Andrea. Vatikanische Museen. — Vatikan: Italia Editrice, 2007. — ISBN 978-3-7954-1947-9.
Спасылкі
[правіць | правіць зыходнік]На Вікісховішчы ёсць медыяфайлы па тэме Грыгарыянскі Этрускі музей