Юхан Пеэгель

Юхан Пеэгель
эст.: Juhan Peegel
Асабістыя звесткі
Дата нараджэння	19 мая 1919(1919-05-19)
Месца нараджэння	Reina, Пёйдэ, Павет Саарэ, Эстонія
Дата смерці	6 лістапада 2007(2007-11-06) (88 гадоў)
Месца смерці	Тарту, Эстонія
Грамадзянства	Эстонія
Альма-матар	Тартускі ўніверсітэт
Месца працы	Тартускі ўніверсітэт
Прафесійная дзейнасць
Род дзейнасці	журналіст, пісьменнік, мовазнавец
Узнагароды	ганаровы грамадзянін Тарту[d]
Медыяфайлы на Вікісховішчы

Юхан Пеэгель (эст.: Juhan Peegel,19 мая 1919, Рэйна, Саарэмаа — 6 лістапада 2007, Тарту) — эстонскі журналіст, вучоны-лінгвіст, пісьменнік. Член-карэспандэнт АН Эстонскай ССР (1977).

Біяграфія

У Чырвонай арміі з 9 верасня 1940 г. (як вайсковец эстонскай арміі), удзельнік Вялікай Айчыннай вайны. У 1951 годзе скончыў Тартускі ўніверсітэт па спецыяльнасці эстонская мова і літаратура. З 1947 па 1952 год супрацоўнічаў у газеце «Эдасі».

У 1951 годзе пачаў выкладаць у Тартускім універсітэце. З 1957 года — дацэнт, з 1964 па 1967 год быў дэканам гісторыка-моўнага факультэта, з 1976 года — прафесар. Пад кіраўніцтвам Юхана Пеэгеля ў Тартускім універсітэце рыхтавалі журналістаў, ён заснаваў факультэт журналістыкі ва ўніверсітэце ў 1976 годзе, а ў 1979 годзе стаў загадчыкам кафедры журналістыкі. У 1993 годзе стаў ганаровым прафесарам.

Абараніў кандыдацкую дысертацыю ў 1954 годзе, доктарскую дысертацыю — у 1973 годзе, стаўшы першым доктарам навук па журналістыцы ў Эстоніі. Член КПСС з 1966 па 1989 год.

У 1977 годзе абраны член-карэспандэнтам АН Эстонскай ССР. З 1 верасня 1989 года, у сувязі са змяненнем статусу членства ў акадэміі — «Член акадэміі» (акадэмік).

Увайшоў у складзены ў 1999 годзе па выніках пісьмовага і анлайн-галасавання спіс 100 вялікіх дзеячаў Эстоніі XX стагоддзя.