Ча́плевыя (Ardeidae) — сямейства птушак атрада буслападобных
Вялікія і сярэдніх памераў птушкі з доўгімі нагамі і доўгай шыяй, якую ў палёце загінаюць да спіны. Вялікая, прамая дзюба. Палавы дымарфізм адсутнічае, за выключэнем чаплі-лазяніка. Жывуць па берагах вадаёмаў. Віды, якія гняздзяцца на дрэвах, — звычайна каланіяльныя, у прыбярэжных зарасніках расліннасці — звычайна адзіночныя. Адрозніваецца 60-64 віды.
