Bidens pilosa — від травяністых раслін роду ваўчкі (Bidens) сямейства Астравыя (Asteraceae).
З’яўляецца каранцінным пустазеллем Еўразійскага эканамічнага саюза[3].
Аднагадовая расліна да 1,2 м вышыні. Сцябло прамое, простае або разгалінаванае, голае. Хвосцікі 2,5-7 (8) см даўжыні, голыя. Лісце супраціўнае, ад суцэльнага (пераважна дзве-тры ніжнія пары, 7-10 см даўжыні і 4-5 см шырыні) да тройчатага, іх лісточкі яйцападобныя або даўгавата-ланцэтныя, на верхавіне вострыя або адцягнутыя, па краі буйнапілаватыя, па жылках больш менш апушаныя кароткімі сагнутымі жорсткімі валасінкамі, у аснове шырокаклінападобныя ці амаль ўсечаныя; верхавінны лісточак 8-11 см даўжыні і 3-4 см шырыні, на доўгім хвосціку, амаль у два разы буйнейшы за сядзячыя бакавыя.
Кошыкі каля 5 мм шырыні, больш высокія, чым шырокія, часцей адзінкавыя на верхавінах сцябла і галін, на ножках ад 8 да 11 см даўжыні, у аснове апушаныя. Абгортка двухшэраговая, трубчастая, яе вонкавыя лісточкі зялёныя, лісточкападобныя, у ліку 8-9, 5-6 мм даўжыні і да 1,5 мм шырыні, на верхавіне коратка востраканцовыя, па краі раснічастыя, Унутраныя лісточкі 6 мм даўжыні і 2 мм шырыні, даўгавата-ланцэтныя, з шырокім бялёсым перапончатым краем, на верхавіне тупыя і тут апушаныя кароткімі белымі валасінкамі.
Краявыя кветкі у невялікай колькасці, з вельмі кароткімі белымі язычкамі, нярэдка адсутнічаюць. Кветкі дыска трубчастыя, жоўтыя, з чырванаватымі жылкамі; вяночак 3-4,5 мм даўжыні, з 5 зубцамі, яго завужаная частка амаль у 2 разы карацейшая за пашыраную. Сямянкі цёмна-бурыя, лінейныя, 4-вугальныя, 5-12 (13) мм даўжыні, на верхавіне з 2-4 асцюкамі, апушаныя рассеянымі, уверх накіраванымі кароткімі шчаціністымі валасінкамі, якія сядзяць на грудках.
Зноскі
Праростак
Кветкі
Плады.jpg)
.jpg)
