Chlamydotis macqueenii — від птушак сямейства драфіныя (Otididae). Традыцыйна лічыўся падвідамChlamydotis undulata. Ён быў класіфікаваны як асобны від у 2003 годзе.
Самец дасягае 65-75 см даўжынёй, важыць 1,8 — 3,2 кг; самка дасягае 55-65 см даўжынёй, важыць 1,2 — 1,7 кг. Верхняя частка цела светла-шэра-бэжавай афарбоўкі з цёмна-карычневымі плямамі і палоскамі, ніжняя частка цела белая. На хвасце выразна бачныя тры вялікія сіне-шэрыя палосы. З патыліцы звісае чубок з доўгіх чорных пёраў.