Hunspell

Hunspell
Тып	праграма праверкі правапісу
Распрацоўшчык	Ласла Немет (László Németh)
Напісана на	C++
Аперацыйная сістэма	Кросплатформавая
Першы выпуск	2003
Апошняя версія	1.7.2 (29 снежня 2022)
Рэпазіторый	github.com/hunspell/hunspell (англ.)
Ліцэнзія	GPL/LGPL/MPL
Сайт	hunspell.github.io (англ.)
Медыяфайлы на Вікісховішчы

Hunspell — праграма праверкі правапісу і марфалагічны аналізатар, спраектаваны для моў з багатай марфалогіяй і развітым словаскладаннем, а таксама тых, што маюць складаны знаказбор; першапачаткова прызначалася для венгерскай мовы.

Hunspell заснаваны на MySpell і мае фармат, сумяшчальны са слоўнікам MySpell. У адрозненне ад MySpell, дзе выкарыстоўваецца 8-бітнае кадзіраванне сімвалаў, Hunspell можа выкарыстоўваць слоўнікі ў кадзіроўцы UTF-8 (Unicode).

Выкарыстанне

Hunspell ужываюць для праверкі арфаграфіі:

• OpenOffice.org, шматплатформенны офісны пакет (пачынаючы з версіі 2.0.2 ад 8 сакавіка 2006 г.)
• Праграмныя прадукты Mozilla: Thunderbird, Firefox (пачынаючы з версіі 3) і SeaMonkey (пачынаючы з версіі 2)
• WinShell, інтэграванае асяроддзе распрацоўкі (IDE) для TeX / LaTeX у Windows
• Yudit, тэкставы рэдактар для X Window System
• gedit, тэкставы рэдактар для GNOME
• Opera 10, шматплатформенны вэб-браўзер.
• Google Chrome, вэб-браўзер з адкрытым зыходным кодам, распрацаваны Google .
• The Bat! паштовы кліент ад RITLabs SRL, пачынаючы з версіі 4.0
• MacOS X Snow Leopard 10.6, аперацыйная сістэма Apple Inc.
• OmegaT, камп’ютарны інструмент перакладчыка з адкрытым зыходным кодам.

Акрамя таго, падтрымка Hunspell ёсць у бібліятэцы Enchant і ў Emacs.

Hunspell з’яўляецца свабодным праграмным забеспячэннем, распаўсюджваецца на ўмовах трайной ліцэнзіі GPL/LGPL/MPL. Існуюць пераносы альбо абгорткі Hunspell для асноўных платформ і моў праграмавання, такіх як Java , Perl, Python, і .NET.

Гл. таксама

• GNU Aspell
• MySpell

Спасылкі

• Афіцыйны сайт Hunspell (англ.)
• Моўныя файлы OpenOffice.org (англ.)
• Нататкі пры выпуску пакета OpenOffice.org 2.0.2 (англ.)