Lego

Lego
Lego
Тып	прыватная кампанія[d]
Заснаванне	1932
Заснавальнікі	Оле Кірк Крысціянсен[d]
Краіна	Данія;
Адрас	Білун;
Галіна	індустрыя камп’ютарных гульняў[d] і вытворчасць цацак[d]
Прадукцыя	Lego[d] і праграмнае забеспячэнне
Абарот	▲65,9 млрд kr (2023);
Аперацыйны прыбытак	▲12,2 млрд kr (2015);
Чысты прыбытак	▲9,17 млрд kr (2015);
Актывы	▲27,9 млрд kr (2015);
Колькасць супрацоўнікаў	▲25 136 чал. (2023);
Матчына кампанія	Kirkbi[d]
Даччыныя кампаніі	Lego Interactive[d], LEGO Production[d], Rebrickable[d], Lego System[d] і Lego Store[d]
Сайт	lego.com

The Lego Group, таксама вядомая як Lego A/S^[7] — дацкая прыватная кампанія, са штаб-кватэрай у горадзе Білун.

Кампанія вядомая перш за ўсё вытворчасцю гульнявых канструктараў Lego.

The Lego Group пабудавала некалькі тэматычных паркаў забаў пад назвай Legoland, а таксама кіруе сеткай крам LEGO.

Гісторыя

Lego Group пачалася ў майстэрні Оле Кірк Крысціянсена (1891—1958), цесляра з Білуна, які пачаў у 1932 годзе рабіць драўляныя цацкі.

У 1934 годзе яго кампанія стала называцца Lego. Назва паходзіць ад дацкай фразы leg godt — «гуляй добра». У 1947 году кампанія пачала вырабляць пластыкавыя цацкі. У 1949 году Lego пачала вырабляць раннюю версію зараз ужо знаёмых пластыкавых брускоў. Гэтыя брускі былі часткова заснаваныя на цацачных брусках Kiddicraft, якія былі запатэнтаваны ў Вялікабрытаніі ў 1939 годзе і выпушчаныя ў 1947 годзе. Пасля вывучэння ўзору, прадстаўленага брытанскім пастаўшчыком набытай кампаніяй ліццёвай машыны, Lego мадыфікавалі дызайн бруска Kiddicraft. Першапачаткова брускі вырабляліся з ацэтылцэлюлозы і ўяўлялі сабой палепшаныя традыцыйныя драўляныя складовыя блокі.

Дэвіз Lego Group — «Det bedste er ikke for godt» — азначае «толькі лепшае дастаткова добра». Гэты дэвіз быў створаны Оле Кіркам, каб заахвоціць сваіх супрацоўнікаў не эканоміць на якасці і ўсё яшчэ выкарыстоўваецца кампаніяй сёння. Да 1951 года на пластыкавыя цацкі прыпадала палова прадукцыі кампаніі, нягледзячы на меркаванне дацкага «Часопіса аб цацках» (дацк.: Legetøjs-tidende), які наведаў фабрыкі Lego у Білуне у пачатку 1950-х гадоў. Часопіс пісаў, што пластык ніколі не зможа замяніць традыцыйныя драўляныя цацкі. Аднак пластыкавыя цацкі Лега мелі вялікі поспех, у тым ліку дзякуючы высокім стандартам Оле Кірк Крысціянсена.

Да 1954 года сын Крысціянсена — Готфрыд, стаў малодшым кіруючым дырэктарам Lego Group. Готфрыд бачыў у элементах Lego велізарны патэнцыял для творчай гульні, але яны ўсё яшчэ мелі недахопы з тэхнічнага пункта гледжання: стыкоўная здольнасць была абмежавана і самі элементы не былі ўніверсальнымі. У 1958 годзе быў распрацаваны сучасны дызайн элемента Lego, аднак, трэба было яшчэ пяць гадоў, каб знайсці правільны матэрыял для яго, АБС-пластык. Сучасны дызайн элемента Lego быў запатэнтаваны 28 студзеня 1958 г.

У 1969 годзе была прадстаўлена лінія цацак Lego Duplo. Блокі Lego Duplo ў два разы шырэй, даўжэй і вышэй стандартных блокаў Lego, і прызначаны для маленькіх дзяцей.

У 1978 годзе кампанія выпусціла першыя міні-фігуркі, якія сталі адным з асноўных прадуктаў у большасці набораў.

У траўні 2011 года касмічны шатл Індэвар падчас місіі STS-134 узяў 13 набораў Lego на Міжнародную Касмічную Станцыю, дзе астранаўты будавалі мадэлі і назіралі іх узаемадзеянне ва ўмовах мікрагравітацыі ў рамках касмічнай праграмы «Lego Briks». Вынікі даследавання былі распаўсюджаныя ў школах, як частка адукацыйнага праекту.

Гл. таксама

Крыніцы

↑ http://www.lego.com/en-GB/aboutus/lego-group Праверана 28 сакавіка 2021.
↑ (unspecified title) Праверана 22 мая 2022.
↑ https://www.lobbyfacts.eu/datacard/the-lego-group?rid=236869539281-13
↑ National Software Reference Library
<a href="https://wikidata.org/wiki/Track:Q6978597"></a><a href="https://wikidata.org/wiki/Track:Q176691"></a>
↑ ^а ^б https://datacvr.virk.dk/gateway/dokument/downloadDokumentForVirksomhed?dokumentId=amNsb3VkczovLzAzL2M4LzViL2ZmLzM5L2VlY2MtNDIyMC05MDRlLTJhYTFlZTIzNjJmMA&cvrNummer=54562519
↑ ^а ^б ^в annual report — 2016. Праверана 27 лістапада 2016.
<a href="https://wikidata.org/wiki/Track:Q699735"></a>
↑ Lego.com About Us – The LEGO Brand (нявызн.)(недаступная спасылка). The Lego Group. Архівавана з першакрыніцы 13 лютага 2013. Праверана 14 лютого 2013.

[_fabc80bc9e9e4376-1] ttp://www.lego.com/en-GB/aboutus/lego-group Праверана 28 сакавіка 2021.

[_b7ca23410ee8c7b4-2] (unspecified title) Праверана 22 мая 2022.

[_ddcb3e8540dbac88-3] ttps://www.lobbyfacts.eu/datacard/the-lego-group?rid=236869539281-13

[_87b909cd3cc880e8-4] National Software Reference Library
<a href="https://wikidata.org/wiki/Track:Q6978597"></a><a href="https://wikidata.org/wiki/Track:Q176691"></a>

[_63ae05768dea9f80-5] а ^б https://datacvr.virk.dk/gateway/dokument/downloadDokumentForVirksomhed?dokumentId=amNsb3VkczovLzAzL2M4LzViL2ZmLzM5L2VlY2MtNDIyMC05MDRlLTJhYTFlZTIzNjJmMA&cvrNummer=54562519

[_2f302cadc41ca408-6] а ^б ^в annual report — 2016. Праверана 27 лістапада 2016.
<a href="https://wikidata.org/wiki/Track:Q699735"></a>

[thelegobrand-7] Lego.com About Us – The LEGO Brand (нявызн.)(недаступная спасылка). The Lego Group. Архівавана з першакрыніцы 13 лютага 2013. Праверана 14 лютого 2013.

[1]

[2]

[3]

[4]

[5]

[6]

[7]