Расліна ўтварае друзлыя падушкападобныя дзярновіны да 17 см у дыяметры[3]. Сцёблы 5-10 см, простыя, залозіста апушаныя, зялёныя ці фіялетава афарбаваныя. Лісце 6-16 мм даўжынёй, 1 мм шырынёй, без выбітных жылак, на ніжнім баку выпуклае, вузкалінейнае. Кветкі адзінкавыя, радзей па 2, чашачкі цыліндрычныя, чашалісцікі (4) 5-6 (7) мм даўжынёй, 2 (3) мм шырынёй[3]. Пялёсткі 8-11 мм даўжынёй, 3-4 (6) мм шырынёй, у 2 (2.5) разы даўжэй чашачкі, белыя або бэзавыя, зваротнаяйкападобныя, да аснавання паступова звужаныя ў кіпцік. Каробачка даўгавата-канічная, у 1.5-2 разы даўжэй чашачкі, са скручанымі дадолу зубцамі, насенне 1-1.5 мм дыяметрам, карычняватае[3].