Mors (пісталет-кулямёт)
| Mors (пісталет-кулямёт) | |
|---|---|
 | |
| Апісанне | |
| Тып: | Пісталет-кулямёт |
| Краіна: |
 Польшча |
| Гісторыя мадэлі | |
| Серыйны выпуск: | 1939 |
| Усяго выраблена: | 52 |
| Характарыстыкі | |
| Маса, кг: | 3,25 (незараджаны) |
| Даўжыня, мм: | 970 |
| Даўжыня ствала, мм: | 300 |
| Патроны: | 9×19 мм Парабэлум |
| Хуткастрэльнасць, стрэлаў/хв: | 400-550 |
| Боезабеспячэнне: | 25 патронаў |
| Прыцэльная дальнасць стральбы, м: | 200 |
| Прыцэл: | рэгуляваны, механічны |
| Характарыстыкі пры выкарыстанні стандартнага патрона | |
| Пачатковая хуткасць кулі, м/с: | 400 |
Пісталет-кулямёт «Mors» узору 1939 года (лац.: Mors — смерць) — польскі пісталет-кулямёт, які распрацоўваўся з 1936 па 1938 год. Вырабляўся ў 1939 годзе, у абмежаванай колькасці выкарыстоўваўся жаўнерамі Войска Польскага ў Другой сусветнай вайне.
Гісторыя[правіць | правіць зыходнік]
Пісталет-кулямёт «Морс» распрацоўваўся ў 1936—1938 гадах канструктарамі Пятром Вільневічам і Янам Скжыпіньскім. Зброя прызначалася для некаторых пяхотных падраздзяленняў і экіпажаў бронетэхнікі. Вытворчасць зброі пачалася ў сакавіку 1939 года. Да верасня 1939 года фабрыка стралковай зброі ў Варшаве паспела сабраць 52 такіх пісталета-кулямёта, 36 з іх былі прадстаўлены курсантам Цэнтра навучання пяхоты ў Рэмбертуве, частка пісталетаў-кулямётаў была перададзена 3-му стралковаму батальёну адтуль жа, які іх выкарыстоўваў пры абароне Варшавы, два пісталета-кулямёта атрымаў Вайсковы цэнтр парашутыстаў у Быдгашчы, пакінутыя пісталеты-кулямёты затым паступілі ў дапаможную роту 39-й пяхотнай дывізіі Рэмбертува. У Музеі Войска Польскага ў Варшаве захоўваецца пісталет-кулямёт пад нумарам 38, аднак без арыгінальнага ствала або магазіна. З-за фактару складанасці канструкцыі пісталета-кулямёта яго вытворчасць не аднаўлялася пасля вайны.
Тэхнічныя характарыстыкі[правіць | правіць зыходнік]
Выкарыстоўвае аўтаматыку са свабодным затворам. Агонь вядзецца з адкрытага затвора ў адзінкавым рэжыме або чэргамі. Пярэдні спускавы гаплік адказвае за стральбу чэргамі, задні за адзінкавыя стрэлы. Г-вобразны выраз у задняй частцы пазы выконвае ролю засцерагальніка для ручкі затвора. Асаблівасць канструкцыі — размяшчэнне зваротнай спружыны ўсярэдзіне тэлескапічнай накіравальнай, якая ўваходзіць у заднюю частку затвора і дадаткова выконвае ролю пнеўматычнага буфера адкату затвора. Ёсць хутказмяняльны ствол, утоены ўсярэдзіне перфараванага металічнага кажуха. Зашчапка ствала размешчана наперадзе пярэдняй часткі ствольнай скрынкі на правым боку. Зараджанне патронамі ажыццяўляецца з каробчатых магазінаў ёмістасцю 25 патронаў, якія месцяцца знізу. Драўлянае ложа складаецца з паўпісталетнай ложы і пярэдняй вертыкальнай ручкай, усярэдзіне якой схавана высоўная апора для стральбы, знаходзячыся лежучы. Прыцэл рэгулёўны з усталёўкамі па далёкасці ад 50 да 600 метраў.
Захаваныя асобнікі[правіць | правіць зыходнік]
Захавалася тры такіх асобніка «Морса».
- У 1983 годзе быў выяўлены асобнік пісталета-кулямёта «Mors» пад нумарам 38 у адной з музейных калекцый Масквы. Гэта калекцыя была падорана Музею Войска Польскага ў Варшаве.
- Другі пісталет-кулямёт пад нумарам 39 захоўваецца ў адным з маскоўскіх музеяў.
- Трэці асобнік пад серыйным нумарам 13 захоўваўся ў Музеі войска ў Будапешце. 26 чэрвеня 2013 дырэктар Музея і Інстытута ваеннай гісторыі палкоўнік Вільмош Ковач на сустрэчы з міністрам замежных спраў Радаславам Сікорскім прадэманстраваў узор пісталета-кулямёта і ўручыў яго Сікорскаму[1]. 27 чэрвеня 2013 намеснік дзяржсакратара ў Міністэрстве замежных спраў Багуслаў Вінід перадаў пісталет дырэктару Музея сухапутных войскаў у Быдгашчы доктару Міраславу Генткоўскаму[2].
Крыніцы[правіць | правіць зыходнік]
- ↑ MSZ przekazało unikatowy polski pistolet Mors do bydgoskiego muzeum.. Архівавана з першакрыніцы 24 снежня 2013. Праверана 22 снежня 2013.
- ↑ Po latach pm Mors wrócił do Polski.
Літаратура[правіць | правіць зыходнік]
- Głębowicz Witold Indywidualna broń strzelecka II wojny światowej, Warszawa 2010.
- Jurga Tadeusz Obrona Polski 1939, Warszawa 1990
- Konstankiewicz Andrzej, Broń strzelecka i sprzęt artyleryjski formacji polskich i Wojska Polskiego w latach 1914—1939, Lublin 2003
- Wojciechowski Ireneusz Pistolet maszynowy wz. 1939 MORS, Warszawa 1984
Спасылкі[правіць | правіць зыходнік]
- Prezentacja pistoletu maszynowego Mors, film z serii Z Arsenału Muzeum Wojska Polskiego на YouTube (польск.)
- Пистолет-пулемет Mors wz.39 (Польша)Архівавана 13 лістапада 2013. (руск.)