Neue Zürcher Zeitung

Neue Zürcher Zeitung
Арыгінальная назва	ням.: Neue Zürcher Zeitung
Тып	штодзённая газета[d]
Фармат	Berliner[d]
Заснавальнік	Саламон Геснер
Уладальнік	NZZ Mediengruppe[d]
Краіна	Швейцарыя
Галоўны рэдактар	Eric Gujer[d]
Заснавана	1780
Мова	Swiss High German[d]
Перыядычнасць	1 суткі
Галоўны офіс	Цюрых
ISSN	0376-6829
Узнагароды	прэмія Эразма[d] (1979)
Вэб-сайт	nzz.ch (ням.)
Медыяфайлы на Вікісховішчы

Neue Zürcher Zeitung («Новая цюрыхская газета») (скар. NZZ) — буйная швейцарская нямецкамоўная штодзённая газета, якая выдаецца ў Цюрыху з 1780 года. Газета была заснавана Саламонам Геснерам пад назвай «Zürcher Zeitung», а сваю цяперашнюю назву носіць з 1821 года. «Neue Zürcher Zeitung» асвятляе сусветную палітыку, эканоміку і культуру. Палітычная арыентацыя — лібералізм, блізкі да праграмы Радыкальна-дэмакратычнай партыі. З 2002 года існуе нядзельны дадатак NZZ am Sonntag, якое носіць больш забаўляльны характар.

Газета адрозніваецца кансерватыўным дызайнам, які, за выключэннем адмовы ад гатычнага шрыфта, амаль не змяніўся з 1930-х. Каляровыя фатаграфіі ў газеце з’явіліся толькі ў 2000-х.

У 1979 годзе «Neue Zürcher Zeitung» разам з нямецкай газетай «Zeit» была ўзнагароджана прэміяй «Эразмус» за ўклад у еўрапейскую культуру.

У 2005 годзе ўсе нумары газеты, выпушчаныя за час яе існавання, былі аблічбаваны. У выніку быў створаны архіў з прыкладна двух мільёнаў малюнкаў аб’ёмам каля 70 тэрабайт. Аднак ён даступны толькі штату газеты.