Коды ONS

Коды ONS (англ.: Office for National Statistics — Нацыянальная статыстычная служба) — серыя кодаў Нацыянальнай статыстычнай службы (НСС) Вялікабрытаніі для ідэнтыфікацыі геаграфічных адзінак Вялікабрытаніі, якая выкарыстоўваецца пры табуляванні вынікаў перапісу і іншых статыстычных даных. Часам называюць GSS (англ.: Government Statistical Service — Дзяржаўная статыстычная служба), бо НСС з'яўляецца часткай апошняй.

Са студзеня 2011 года папярэдняя іерархічная сістэма кодаў была заменена сістэмай дзевяцізнакавых кодаў для геаграфічных адзінак усіх тыпаў без сувязі паміж кодамі адзінак розных узроўняў. Старая сістэма функцыянавала паралельна з новай да канца 2013 года.