Robert Bosch GmbH

Robert Bosch GmbH
Тып	Прыватная кампанія
Заснаванне	1886
Заснавальнікі	Robert Bosch[d]
Краіна	Германія
Размяшчэнне	Герлінген, Германія
Адрас	Gerlingen[d]
Ключавыя постаці	Франц Ферэнбах
Галіна	электратэхніка, машынабудаванне
Прадукцыя	електрарухавікі, індустрыяльная і бытавая тэхніка, інструменты, аўтамабільныя вузлы
Абарот	▲91,6 млрд € (2023)
Аперацыйны прыбытак	▲4,5 млрд € (2023)
Чысты прыбытак	▲2,64 млрд € (2023)
Актывы	▲108 млрд € (2023)
Колькасць супрацоўнікаў	▲429 416 чал. (2023)
Дэвіз	Technik fürs Leben і Invented for Life
Даччыныя кампаніі	асноўныя: BSH Bosch und Siemens Hausgeräte Bosch Engineering Bosch Thermotechnik Bosch Solar Energy Bosch Rexroth Robert Bosch Hausgeräte і інш.
Сайт	www.bosch.de

Robert Bosch GmbH (Ро́берт Бош ГмбХ) або проста Bosch (Бош) — нямецкая электратэхнічная і машынабудаўнічая фірма, вытворца электра-механічнай індустрыяльнай і бытавой тэхнікі.

З'яўляецца адным з найбуйнейшых у Еўропе вытворцам прадукцыі ў наступных галінах: машынабудаванне, аўтамабільныя вузлы і камплектуючыя, вытворчасць інструментаў, дыягнастычных і кіруючых механізмаў і прылад; будаўнічая і бытавая тэхніка; цеплавая і салярная тэхніка, сістэмы сувязі і бяспекі. Форма ўласнасці — Таварыства з абмежаванай адказнасцю.

Кампанія была заснавана нямецкім прадпрымальнікам і інжынерам Робертам Бошам у 1886. Штаб-кватэра размешчана ў горадзе Герлінгене, Германія, недалёка ад Штутгарту.

У 2011 годзе кампанія Bosch ўклала ў навуковыя даследаванні і распрацоўкі больш 4,2 млрд еўра, а таксама падала заяўкі на атрыманне больш 4100 патэнтаў па ўсім свеце. Больш за 300 000 супрацоўнікаў забяспечылі ў фінансавым 2011 годзе аб'ём прадажаў у 51,5 млрд еўра.

У групу кампаній Bosch уваходзяць Robert Bosch GmbH і больш за 350 даччыных прадпрыемстваў і рэгіянальных кампаній прыблізна ў 60 краінах. Разам з партнёрамі ў сферы продажаў і абслугоўвання кампанія Bosch прадстаўлена амаль у 150 краінах.

З 1 ліпеня 2012 старшынёй праўлення з'яўляецца Фолькмар Дэннер (Volkmar Denner).

Спасылкі

• Афіцыйны сайт прадстаўніцтва кампаніі Bosch у Беларусі (руск.)