Sirkus Finlandia

З пляцоўкі Вікіпедыя
Jump to navigation Jump to search

Sirkus Finlandia — буйнейшы фінскі цырк-шапіто, заснаваны ў 1976 годзе Карл-Густаф Ёрнстрамам. Першае прадстаўленне адбылося 21 красавіка 1976 у горадзе Тамісаары. На сённяшні дзень з’яўляецца адзіным фінскім цыркам, які адпавядае міжнародным стандартам, удзельнік Еўрапейскай цыркавой асацыяцыі. Штогод прадстаўленні наведваюць каля 200 тысяч гледачоў.

Гастролі[правіць | правіць зыходнік]

Тур па Фінляндыі пачынаецца напачатку красавіка ў Карысе і сканчаецца ў кастрычніку-лістападзе ў сталіцы Фінляндыі, Хельсінках. За сезон цырк дае прадстаўленні больш чым у 120 гарадах Фінляндыі, а ўвесь маршрут перавышае 8 тысяч кіламетраў. Увесь час разам з цыркам гастралюе прыблізна 70 чалавек, з іх каля 30 — артысты і музыканты жывога аркестра. Абарот за 2009 год склаў каля 4 млн. еўра.

Шапіто[правіць | правіць зыходнік]

Шапіто

Канструкцыя цырка была набыта ў Італіі ў 2009 годзе і ў сабраным стане займае плошчу каля 2500 квадратных метраў. Апроч таго, патрабуецца месца для дзясяткаў аўтамабіляў і прычэпаў. У буйных гарадах таксама ўсталёўваецца дадатковы падстрэшак плошчай 650 квадратных метраў, пад якім усталёўваюцца кіёскі і які служыць хованкай для гледачоў падчас перапынку і ў выпадку неспрыяльных пагодных умоў. Колькасць месцаў — 1150. Дыяметр манежа — 12 метраў.

Спасылкі[правіць | правіць зыходнік]