Від распаўсюджаны пераважна ў еўрапейскім Міжземнамор’і, а таксама ў Цэнтральнай і Усходняй Еўропе аж да Урала. У адрозненне ад большасці іншых відаў стракоз, прадстаўнікі віду зімуюць не ў стадыі лічынкі, а ў стадыі імага. Палавы дымарфізм не выражаны. Крылы даўжынёй 20-22 мм. Цела стройнае, брушка даўжынёй 27-29 мм. Асноўная афарбоўка ад светла-бэжавага да карычневага колеру.
Лічынка жыве ў стаячых вадаёмах глыбінёй да 1 метра. Лёт імага пасля зімоўкі пачынаецца ў красавіку—маі. Спарванне доўжыцца ад некалькіх хвілін да паўгадзіны. Затым самка адкладае яйкі на змярцьвелыя часткі водных раслін. За хвіліну самка кладзе 4-5 яек, за дзень у розных месцах да 350 яек. Развіццё яек даўжынёй 1 мм доўжыцца ад 3-х да 6-ці тыдняў.
