Ілья Юльевіч Смірын

Ілья Юльевіч Смірын
Агульная інфармацыя
Пол	мужчынскі пол
Спецыялізацыя	шахматы
Нарадзіўся	12 студзеня 1968(1968-01-12) (56 гадоў) Віцебск, Віцебская вобласць, БССР, СССР
Грамадзянства	Ізраіль
Медыяфайлы на Вікісховішчы

Ілья Юльевіч Смірын (12 студзеня 1968, Віцебск) — беларускі і ізраільскі шахматыст, гросмайстар (1990).

Біяграфія

Першых поспехаў дасягнуў школьнікам, у складзе віцебскай каманды выйграўшы ўсесаюзны турнір «Белая ладдзя» ў Панявежысе. Займаўся шахматамі ў трэнера Льва Пака, потым у Альберта Капенгута. У 1980-х гадах вучыўся ў мінскім Інстытуце фізкультуры, хаця, паводле ўласнага прызнання, разумеў, што гэта «несур'ёзная» навучальная ўстанова. Служыў у войску (спартыўная рота ва Ўруччы).

Тройчы ўдзельнічаў у чэмпіянатах СССР. У канцы 1980-х пачаў выязджаць на замежныя турніры, дзе дабіваўся поспехаў. Улетку 1991 г. эміграваў у Ізраіль. З тых часоў прадстаўляў Ізраіль на васьмі алімпіядах па шахматах (1992—2006). Тройчы перамагаў у чэмпіянатах Ізраіля (1992, 2002, 2012). Жыве ў горадзе Кфар-Сава пад Тэль-Авівам.

Спартыўныя дасягненні

• чэмпіён Беларускай вайсковай акругі і чэмпіён БССР 1987 года, абсалютны чэмпіён Віцебскай вобласці 2004 года;
• 1-2 месца ў Дос-Эрманасе ў 2001 годзе;
• 1 месца ў Білэам у 2002 годзе;
• падзяліў першае месца на «World Open» у Філадэльфіі ў 2002 і 2003 гадах;
• чэмпіён Ізраіля 1992, 2002, 2012 гадоў.