Індыйскі запаведнік дзікіх аслоў
Індыйскі запаведнік дзікіх аслоў | |
---|---|
Indian Wild Ass Sanctuary | |
Катэгорыя МСАП IV: тэрыторыя кіравання відамі ці месцапражываннямі[d] | |
Размяшчэнне | Індыя |
Плошча | 4954 км² |
Дата заснавання | 1972 |
Сайт | Wild Ass Sanctuary, Little Rann of Kutch |
Індыйскі запаведнік дзікіх аслоў (англ.: Indian Wild Ass Sanctuary) месціцца на захадзе індыйскага штата Гуджарат у раёне Качскі Ран. Займае тэрыторыю 4954 км².
Запаведнік быў створаны ў 1972 г. для аховы апошніх прадстаўнікоў паўднёваазіяцкай разнавіднасці кулана. Большасць яго зямель займае саланчаковая пустыня, што ў сезон мусонаў затапляецца вадою. На паверхні застаюцца 74 узвышшы, самае вялікае з якіх дасягае 30,5 км², а самае высокае — 55 м. Шырокія водмелі засолены, пакрытыя глеем, на іх практычна адсутнічае расліннасць. У астатніх месцах пераважаюць эфемеры. Сустракаюцца 253 віды кветкавых раслін, 107 відаў багавіння. Акрамя куланаў запаведнік насяляюць 33 віды сысуноў, 93 віды беспазваночных, 29 відаў паўзуноў і г. д.