Ірландскі меч

Ірландскі меч
	;
Тып:	меч
Краіна:	Ірландыя

Ірландскія мячы адрозніваліся незвычайным колцападобным навершам, унутры якога быў добра бачны хваставік, які праходзіў па цэнтры, і крыжавінай са сплясканымі па вертыкалі канцамі, якія S-падобна выгінаюцца ў папярочнай плоскасці. Такія мячы маглі быць адна-, паўтара- і двухручнымі^[1], а клінкі, верагодна, імпартаваліся з кантынента. Няма сведчанняў выкарыстання падобных мячоў раней за XVI стагоддзе.^[2]

У Ірландыі былі выяўлены чатыры асобнікі такіх мячоў: першы быў знойдзены ў канцы XIX стагоддзя, у Тулілоху (Tullylough, графства Лонгфард), другі знайшлі падчас правядзення прац па паглыбленні ракі Банат, каля вёскі Портгленан (Portglenone, графства Антрым). Яшчэ два мяча знайшлі ў графстве Голуэй: адзін — у 1948 годзе, іншы — некалькі пазней, у пяці мілях на поўнач ад Балінасла. Меч з Тулілоха і першы голуэйскі падобныя паміж сабой, меч з Портгленана некалькі адрозніваецца. У наш час мячы экспануюцца ў Нацыянальным музеі Ірландыі.^[2]

Акрамя таго, вядомы пяць датаваных XVI стагоддзем выяў, на якіх фігуруюць падобныя мячы:

малюнак Альбрэхта Дзюрэра 1521 года з ірландскімі наймітамі ў Ніжніх землях. Адзін з двух намаляваных двухручных мячоў мае колцападобнае наверша;
на ананімнай гравюры, якая захоўваецца ў музеі Эшмала, намаляваны шэсць фігур «ірландскіх правадыроў». Усе яны маюць мячы, на пяці з якіх бачныя эфесы — усё «ірландскага» тыпу. Прапорцыі адпавядаюць мячам, знойдзеным у Ірландыі, за выключэннем таго, што клінкі трохі шырэйшыя;
тры малюнкі з фігурамі, якія маюць мячы, вельмі падобныя на мячы на эшмальскай гравюры, былі зроблены фламандскім мастаком Лукасам дэ Геерэ, які працаваў у Англіі з 1567 па 1577 гады.^[2]

Галерэя

Ірландскія найміты на малюнку Дзюрэра
Гравюра з музея Эшмала
Адзін з малюнкаў дэ Геерэ, «Ірландцы на службе караля Генры»
Эфес ірландскага мяча (сучасная рэпліка)
Эфес паўтараручнага мяча з альтэрнатыўным варыянтам крыжавіны (сучасная рэпліка)

Зноскі

↑ Лайбле, Томас. Меч. Большая иллюстрированная энциклопедия. — М.: «Омега», 2011. — С. 84. — 232 с. — ISBN 978-3-938711-05-7.
↑ ^а ^б ^в IRISH SWORDS OF THE 16TH CENTURY (англ.). Праверана 30 студзеня 2014.

Літаратура

Hayes McCoy, G. A. Sixteenth century swords found in Ireland. — Dublin, 1948.
Hayes McCoy, G. A. Sixteenth century Irish sword in the National Museum of Ireland. — Dublin, 1959.

Спасылкі

На Вікісховішчы ёсць медыяфайлы па тэме Ірландскі меч

[1] Лайбле, Томас. Меч. Большая иллюстрированная энциклопедия. — М.: «Омега», 2011. — С. 84. — 232 с. — ISBN 978-3-938711-05-7.

[IRISH_SWORDS-2] а ^б ^в IRISH SWORDS OF THE 16TH CENTURY (англ.). Праверана 30 студзеня 2014.

[1]

[2]