Аркадзь Антонавіч Смоліч

Шаблон:Вызнч (17 верасня (новы стыль: 29 верасня) 1891– 17 чэрвеня 1938) — беларускі дзяржаўны дзеяч, навуковец.

Аркадзь Смоліч нарадзіўся ў в. Бацэвічы Бабруйскага павета, цяпер Клічаўскі раён. Скончыў Мінскую духоўную семінарыю (1905), Нова-Александрыйскі інстытут сельскай гаспадаркі і лесаводства ў Пулавах (Польшча, 1916), вучыўся ў Кіеўскім політэхнічным інстытуце.

З 1910 года член Беларускай сацыялістычнай грамады (БСГ). Актыўны ўдзельнік клуба «Беларуская хатка» ў Мінску.

У 1918 Аркадзь Смоліч стаў адным з ініцыятараў абвяшчэння Беларускай Народнай Рэспублікі. У першым урадзе (Народным Сакратарыяце) БНР Смоліч займаў пасаду сакратара асветы.

З 1922 працаваў у БССР. Пачынальнік айчыннай геаграфічнай навукі, аўтар першага акадэмічнага падручніка па геаграфіі Беларусі.

26 чэрвеня 1930 арыштаваны, у 1931 прыгавораны да адміністрацыйнай высылкі. Высылку адбываў у Прыураллі. У жніўні 1935 вызвалены. Але ў ноч з 17 на 18 чэрвеня 1937 зноў арыштаваны і 10 чэрвеня 1938 прыгавораны да вышэйшай меры пакарання, 17 чэрвеня 1938 расстраляны ў Омскай турме.

Аркадзь Смоліч быў рэабілітаваны па першым прыгаворы Вярхоўным судом БССР 10 чэрвеня 1988, па другім — прэзідыумам Цюменскага абласнога суда 9 лютага 1957.