Макс Захаравіч Пенсон

Макс Пенсон
Максім Захаравіч Пенсон
Род дзейнасці	фатограф
Дата нараджэння	17 сакавіка 1893(1893-03-17)
Месца нараджэння	Веліж, Веліжскі павет, Віцебская губерня, Расійская імперыя
Дата смерці	1959(1959)
Месца смерці	Ташкент, Узбекская ССР
Месца пахавання	Ташкент
Грамадзянства	Расійская імперыя  СССР
Медыяфайлы на Вікісховішчы

Макс Захаравіч Пенсон (17 сакавіка 1893, Веліж- 1959, Ташкент, Узбекская ССР) — вядомы савецкі, яўрэйскі фатограф, фотамастак, фотакарэспандэнт газеты «Праўда Усходу» і ўсесаюзнага інфармацыйнага агенцтва ТАСС.

Біяграфія

Макс Пенсон нарадзіўся ў небагатай яўрэйскай сям'і ў горадзе Веліж Віцебскай губерні 17 сакавіка 1893 ў сям'і пераплётчыка, работніка мясцовай друкарні. Скончыў Веліжскае гарадское вучылішча ў 1911 годзе, затым паўгады вучыўся ў мастацкай школе ў Міргарадзе Палтаўскай губерні, а затым у мастацка-прамысловай школе тварыства імя Антакольскага (у дэкаратыўна-малярным аддзеле) у Вільні.

У 1915 годзе Макс Пенсон з сям'ёй пераехаў у Каканд, дзе да 1917 года працаваў спачатку рахункаводам і адначасова настаўнікам малявання ў мясцовай школе. Затым з 1917 па 1922 год працаваў у Какандскім аддзеле Народнай адукацыі ў якасці загадчыка вучэбна-вытворчымі майстэрнямі.

З 1923 года па распараджэнні Наркамасветы быў адкліканы ў горад Ташкент. Затым пасля скарачэння штатаў у Наркамасветы працаваў да 1925 рахункаводам у тытунёвай майстэрні ў Ташкенце. З 1925 года пачаў рабіць фотарэпартажы і з 1926 года пачаў працаваць фотакарэспандэнтам у рэдакцыі газеты «Праўда Усходу». Яго фотарэпартажы былі вельмі папулярныя ў Савецкім Саюзе ў 20-х і 30-х гадах XX стагоддзя. Супрацоўнічаў з часопісам «СССР на будоўлі». Самая вядомая яго фатаграфія - партрэт «Узбекскай Мадоны», які атрымаў вышэйшую ўзнагароду на Сусветнай выставе ў Парыжы ў 1937 годзе, - вызваленая мусульманка, якая зняла чадру і корміць грудзьмі дзіцяці.

У 1949 годзе па загаду органаў НКУС яму было забаронена працягваць працу ў якасці фотакарэспандэнта. На гэтым яго праца ў якасці публічнага фотамастака была спыненая.

Памёр Макс Пенсон, у Ташкенце ў 1959 годзе.

Выбраныя персанальныя выставы

• 2007 - Лондан, Вялікабрытанія, Gilbert Collection
• 2005 - Ташкенцкі Дом фатаграфіі, Ташкент, Узбекістан
• 2004 - Штаб-кватэра ААН
• 2003 - Міжнародны фотафестываль, Рым, Італія
• 2003 - Маскоўскі Дом Фотаздымкаў, Масква, Расія
• 2001 - Музей фатаграфіі «Bildens Hus», Сунсвал, Швецыя
• 2000 - Цэнтр мастацтваў, Масква, Расія
• 1998 - Луўр, Парыж, Францыя
• Музей сучаснага мастацтва, Ніца, Францыя

Кнігі Макса Пенсона

• Макс Пенсон / Max Penson Carre Noir, Paris 1997 ISBN 2-909569-09-8
• Пенсон / Penson Альбом Составитель: И.Галеев, Издательство Скорпион. 2006 г. 304 стр. ISBN 5-86408-133-7

Публікацыі ў кнігах

• PROPAGANDA & DREAMS, Edition Stemmle 1999 ISBN 3-908161-80-0

Спасылкі па тэме

• Сайт Макса Пенсона. Фатаграфіі, бібліяграфія, публікацыі, выстаўкі
• Аўтабіяграфія Макса Пенсона, напісаная ў 1939 годзе
• Аляксандр Восіпавіч «Фатаграфіі Макса Пенсона вяртаюцца»