Пуць

Пуць – даўжыня часткі траекторыі матэрыяльнага пункта, зробленай за некаторы час.

У агульным выпадку пуць вылічваецца як крывалінейны інтэграл:

$l=\int _{l}f(\mathbf {r} )dl$

Калі вядома функцыя хуткасці v(t), то пуць вылічваецца шляхам інтэгравання па часе:

$l=\int _{t_{1}}^{t_{2}}vdt$

Паняцце пуці падобна да паняцця перамяшчэння. Адрозненні пуці ад перамячшэння палягаюць у наступным:

• перамяшчэнне з'яўляецца вектарнай велічынёй і, такім чынам, характарызуе не толькі пройдзеную адлегласць, але і напрамак руху
• перамячшэнне характарызуецца толькі пачатковым і канчатковым пунктамі і не залежыць ад траекторыі руху, гэта значыць, ад таго, якім шляхам цела перайшло з пачатковага пункта ў канчатковы.

Велічыня пуці не можа быць меншай за велічыню перамяшчэння. Роўнасць дасягаецца пры руху па прамой у адным напрамку. У астатніх выпадках пуць перавышае велічыню перамяшчэння. Напрыклад,

• цела выканала поўны абарот, рухаючыся па акружнасці радыусам r. Пройдзены пуць складае 2πr, а перамяшчэнне – 0.
• цела выканала паўабароту, рухаючыся па акружнасці радыусам r. Пройдзены пуць складае πr, а перамяшчэнне – 2r (што менш, бо 2 < π).