Сяргей Валянцінавіч Войчанка

Сяргей Валянцінавіч ВОЙЧАНКА (15 лістапада 1955, Марыўпаль — 9 снежня 2004, Мінск), беларускі мастак — графік, жывапісец, скульптар, дызайнер.

Нарадзіўся ў сям'і марака. У 4-гадовым узросце разам з бацькамі пераехаў у Мінск, дзе жылі матчыны сваякі. У 1969 паступіў на аддзяленне скульптуры ў мастацкую школу, якую скончыў у 1974. У 1975 паступіў на факультэт дызайну Беларускага тэатральна-мастацкага інстытуту, дзе пазнаёміўся са сваім суаўтарам Уладзімірам Цэслерам (працуюць разам з 1978), у 1984 абараніў дыплом серыяй плакатаў «История Минска».

Аўтар плакатаў «Нержавеющий Сталин», «1939, начало войны в Польше», «Карл Маркс 1990-х», «Афганистан», «Good morning, Belarus!», «От международного года мира - к миру без войн и оружия», «Война несет людям...», «Афган, Forbidden Fruit», «Contemporary art+centre „VITA NOWA“», Made in NEW RUSSIA, «Эх, в яблочко...». Плакат «Вудсток. 30 лет. — Levi`s» зберагаецца ў каллекцыі Луўра.

Атрымаў больш 40 узнагарод міжнародных конкурсаў, біенале і фестываляў плакату.

Персанальныя выстаўкі

• 2000: Дзяржаўны Рускі музей, «Владимир Цеслер и Сергей Войченко. Проект века (двенадцать из XX)»
• 2004: Манмартр, Парыж
• 2008: Самара, галерэя «Вавилон»

У Сеціве

• (англ.) (руск.) Артдызайнстудыя Цэслер & Войчанка