Фотаплан

Фотаплан — сукупнасць аэрафотаздымкаў, прыведзеных да аднаго маштабу, выпраўленых за вуглы нахілу (трансфармаваных) і змантаваных на агульнай аснове. Дае дакладную планавую выяву мясцовасці. Фотапланы вырабляюцца строга ў рамках трапецый тапаграфічных карт у адпаведнасці з міжнароднай разграфкай. На фотаплане можа быць нанесена кіламятровая сетка, паказаны прамавугольныя і геаграфічныя каардынаты.