Манастыр Святога Антонія

Манастыр Святога Антонія

Манастыр святога Антонія (Deir Mar Antonios) — найстаражытны хрысціянскі манастыр Егіпта. Знаходзіцца на поўначы мухафазы (правінцыі) Чырвонае Мора ў Аравійскай пустыні, належыць копцкай праваслаўнай царкве.

Гісторыя

У гэтых месцах у скальным гроце вышэй манастыра вёў аскетычны адасоблены лад жыцця і памёр бацька манаства - святы Антоній Вялікі (251-356 гг.). Стагоддзем пазней грэчаскі вучоны Анастасій напісаў жыццё Святога Антонія.

Пасля скону святога месца яго адзіноты стала збіраць шматлікіх паломнікаў з Сірыі, Эфіопіі, Егіпта і іншых краін.

Першыя пабудовы манастыра былі закладзены ў III ст. У VI стагоддзі ў манастыр Святога Антонія з-за пастаянных набегаў бедуінаў пачалі перасяляцца манахі з Вадзі-Натрун. У XI ст. манастыр быў разрабаваны і разбураны арабамі, але быў адноўлены коптамі праз 100 гадоў. У Сярэднія стагоддзі манастыр падоўгу стаяў закінутым, без дзвярэй; насельнікаў было ўсяго некалькі.

Царква Святога Антонія, якая знаходзіцца ля паўднёвых сцен манастыра, была пабудавана ў XVI стагоддзі. На захад ад яе размешчаны храм Святых Апосталаў. У гэтай царкве захавалася фрэска X ст. з выявай архангелаў Міхаіла і Гаўрыіла, а ў яе невялікі капэле фрэскі XI-XIII стст. з выявамі першых Александрыйскі патрыярхаў: евангеліста Марка, Пятра, Апанаса, Феафіла, Кірылы і інш.

У цяперашні час

Літургія здзяйсняецца ў храме Святога Марка, пабудаваным у XVIII стагоддзі. Як і ў манастырах Вадзі-Натрун, у манастыры Святога Антонія захоўваюцца старажытныя рукапісы (1700 манускрыптаў) з тэкстамі пераважна на копцкай і арабскай мовах.

Месцам пастаяннага паломніцтва з'яўляецца пячора святога Антонія, размешчаная вышэй манастыра на вышыні 276 м (680 м над узроўнем Чырвонага мора).

Літаратура

• Ed., Bolman, Elizabeth. 2002. Monastic visions : wall paintings in the Monastery of St. Antony at the Red Sea. Cairo, Egypt: American Research Center in Egypt.
• Meinardus, Otto Friedrich August. 1989. Monks and Monasteries of the Egyptian Deserts. Cairo, Egypt: The American University in Cairo Press.
• Evetts, B.T.A. (Trans.) Abu Salih the Armenian. 2002. The Churches and Monasteries of Egypt and Some Neighboring Countries. Gorgias Press.
• Dalrymple, William. 1998. From the holy mountain : A journey among the Christians of the middle east. New York: H. Holt.
• Dunn, Marilyn. 2000. The emergence of monasticism : From the desert fathers to the early Middle Ages. Oxford, UK; Malden, Mass.: Blackwell Publishers.
• Gabra, Gawdat, Hany N. Takla, Saint Mark Foundation., and Saint Shenouda the Archimandrite Coptic Society. 2008. Christianity and monasticism in upper Egypt.
• McClellan, Michael W., and Otto Friedrich August Meinardus. 1998. Monasticism in Egypt : Images and words of the desert fathers. Cairo, Egypt: American University in Cairo Press.