Нільс Улаф
| Sir Nils Olav | |
|---|---|
| ?—? | |
 Каралеўскі пінгвін Nils Olav | |
| Месца нараджэння | Эдынбургскі заапарк |
| Прыналежнасць |  Нарвегія
|
| Род войскаў | Армія Нарвегіі |
| Гады службы | 1972 — |
| Званне | палкоўнік і талісман |
| Частка | Каралеўская гвардыя Нарвегіі |
Сэр Нільс Улаф (нарв.: Nils Olav) — каралеўскі пінгвін, які жыве ў заапарку Эдынбурга, Шатландыя. Нільс з'яўляецца талісманам нарвежскай каралеўскай гвардыі, носіць званне палкоўнік (Colonel-in-Chief), у 2008 годзе пасвечаны ў рыцары.[1]
Ваенная кар'ера[правіць | правіць зыходнік]
У 1961 годзе нарвежская каралеўская гвардыя наведала Эдынбургскі парад ваенных аркестраў, дзе ўдзельнічала ў паказальных выступах.[2]. Лейтэнант Нільс Эгеліен (нарв. Nils Egelien) зацікавіўся калоніяй пінгвінаў Эдынбургскага заапарка. Калі гвардзейцы зноў вярнуліся ў Эдынбург ў 1972 годзе пры актыўным садзейнічанні лейтэнанта, адзін з пінгвінаў быў «усыноўлены». Пінгвіна назвалі Нільс Улаф - Нільс ў гонар Нільса Эгеліена і Улаф ў гонар караля Нарвегіі Улафа V.
Нільсу Улафу было прысвоена званне visekorporal ("віцэ-капрал", яфрэйтар). У кожны візіт каралеўскай гвардыі на Эдынбургскі парад ваенных аркестраў Нільс Улаф падвышаўся ў званні. У 1982 годзе ён стаў капралам, а ў 1987 годзе - сяржантам. Аднак неўзабаве пасля атрымання гэтага звання Нільс Улаф памёр і яго месца заняў Нільс Улаф II. У 1993 годзе ён быў павышаны ў званні да sergeant major (палкавога сяржанта). 18 жніўня 2005 года ён атрымаў званне палкоўнік (Colonel-in-Chief) і 15 жніўня 2008 года быў пасвечаны ў рыцары. Нільс Улаф стаў першым пінгвінам, якія атрымалі гэтак высокае званне ў нарвежскай арміі. У азнаменаванне пасвячэння Улафа ў рыцары, у Эдынбургскім заапарку была ўсталяваная яго бронзавая статуя ў поўны рост. Аналагічная статуя ўсталяваная ў штаб-кватэры нарвежскай каралеўскай гвардыі (Huseby Leir) у Осла.
Зноскі
- ↑ Military penguin becomes a 'Sir'. BBC News Website. Праверана 1 сакавіка 2010.
- ↑ Праграма эдынбургскага парада ваенных аркестраў 1961 Архівавана 7 кастрычніка 2006.