Адрыяна Сальвацьера

Адрыяна Сальвацьера
Адрыяна Сальвацьера
	ісп.: Adriana Salvatierra Arriaza
	— 10 лістапада 2019
Папярэднік	Эва Маралес
Пераемнік	Жанін Аньес (в.а)
Нараджэнне	3 чэрвеня 1989 (34 гады); Санта-Крус-дэ-ла-Сьера, правінцыя Андрэс Ібаньес[d], дэпартамент Санта-Крус[d], Балівія;
Партыя	Рух да сацыялізму (Балівія);
Адукацыя	Universidad Autónoma Gabriel René Moreno[d];
Дзейнасць	палітык
	Медыяфайлы на Вікісховішчы

Адрыяна Сальвацьера Арыаса (ісп.: Adriana Salvatierra Arriaza; нар. 3 чэрвеня 1989, Санта-Крус-дэ-ла-Сьера, Балівія^[1]) — балівійскі палітычны дзеяч. На працягу некалькіх гадзін 10 лістапада 2019 года дэ-юрэ выконвала абавязкі прэзідэнта Балівіі, не ўступаючы пры гэтым афіцыйна на пасаду. Аднак неўзабаве падала ў адстаўку. Да гэтага была старшынёй сената Балівіі са студзеня 2019 года^[2].

Біяграфія[правіць | правіць зыходнік]

Уступленне Адрыяны Сальвацьеры ў палітыку пачалося ў 2005 годзе, калі ёй было ўсяго 16 гадоў. Яна ўступіла ў шэрагі «Руху да сацыялізму». У 2014 годзе моладзевая арганізацыя партыі абрала яе кандыдатам у сенатары за яе прафесіяналізм і нізавую працу з грамадскімі, грамадзянскімі і сялянскімі арганізацыямі. Яна была абраная ў Сенат ва ўзросце 26 гадоў у 2015 годзе ад Дэпартамента Санта-Крус. У 29 гадоў Сальвацьера была самым маладым старшынёй Сената ў гісторыі Балівіі^[3].

10 лістапада 2019 года Прэзідэнт Балівіі Эва Маралес абвясціў аб сваёй адстаўцы пасля пратэстаў і ўльтыматуму ад вайскоўцаў. Услед за ім сваю пасаду пакінуў віцэ-прэзідэнт краіны Альвара Гарсія Лінера. Наступны ў чарзе на выкананне абавязкаў прэзідэнта быў старшыня Палаты дэпутатаў Віктар Борда, які, аднак, сышоў у адстаўку раней за прэзідэнта Маралеса. Паводле Канстытуцыі ў такім выпадку выконваць абавязкі прэзідэнта павінна Старшыня Сената Адрыяна Сальвацьера^[4].

Сальвацьера абвясціла аб сваёй адстаўцы ў гэты ж дзень і папрасіла прытулку ў мексіканскім пасольстве ў Ла-Пасе, неўзабаве пасля таго, як гэта зрабіў Маралес ва ўмовах палітычнага крызісу ў краіне^[5]. Другой віцэ-старшыня Сената Жанін Аньес, у сілу адмовы першага віцэ-старшыні, тады змяніла яе на пасадзе. Аднак пазней Сальвацьера сцвярджала, што, хоць яна і падала ў адстаўку, сенат да таго часу яе яшчэ не прыняў, і, такім чынам, яна заставалася старшынёй Сената^[6].

Сенат канчаткова прыняў яе адстаўку 14 лістапада 2019 года і выбраў Моніку Ева Копа новым старшынёй^[7].

Заўвагі[правіць | правіць зыходнік]

Спасылкі[правіць | правіць зыходнік]

Старонка ў Facebook
Старонка ў Instagram

[1] Adriana Salvatierra Arriaza Архівавана 11 лістапада 2019.

[2] Bolivia (Plurinational State of) — Chamber of Deputies

[3] Take Five: «I truly believe it takes a revolutionary process to achieve equality»

[4] Получившая президентскую власть спикер сената Боливии ушла в отставку

[5] Bolivian Senate President Salvatierra announces resignation

[6] Presidenta de Senado boliviano denuncia presión a dirigentes

[7] El Gobierno y el MAS abren espacios de negociación en vías de la pacificación

[1]

[2]

[3]

[4]

[5]

[6]

[7]

У сацыяльных сетках	Twitter
Фота, відэа і аўдыё	Instagram
Слоўнікі і энцыклапедыі	OpenSanctions