Андрэй Сяргеевіч Давідзян
| Андрэй Сяргеевіч Давідзян | |
|---|---|
 | |
| Асноўная інфармацыя | |
| Дата нараджэння | 30 студзеня 1956 |
| Месца нараджэння | |
| Дата смерці | 13 лістапада 2016 (60 гадоў) |
| Месца смерці | |
| Краіна | |
| Бацька | Serge Davidyan[d] |
| Альма-матар | |
| Музычная дзейнасць | |
| Прафесіі | спявак, музыкант |
| Інструменты | вакал[d] |
| davidyan.su | |
Андрэ́й Сярге́евіч Давідзя́н (руск.: Андрей Сергеевич Давидян; 30 студзеня 1956, Масква — 13 лістапада 2016, Масква) — савецкі і расійскі музыкант, удзельнік шоу «Голас».[1]
Біяграфія[правіць | правіць зыходнік]
Нарадзіўся 30 студзеня 1956 года ў Маскве ў музычнай сям’і. Маці — вядомая піяністка, бацька — тэнар Сяргей Давідзян.
З трох гадоў захапіўся музыкай, у школе выконвае папулярныя замежныя хіты. У 1972 годзе становіцца салістам рок-гурта «Високосное лето», удзельнікамі якога з’яўляліся Крыс Кельмі, Аляксандр Сіткавецкі, Юрый Цітоў і Ігар Акуджава. Давідзян выконваў кавер-версіі песень «Led Zeppelin», «Deep Purple», «Grand Funk Railroad».
Адслужыўшы ў арміі, Андрэй Давідзян стварае гурт «Добровольное общество», працягваючы выконваць кавер-версіі хітоў класічнага року. З прыходам у гурт братоў-блізнят Паўла і Аляксандра Смяянаў у 1977 годзе, назва гурта змяняецца на «Виктория», а музычная стылістыка — на фанк. У 1979 годзе «Виктория» распадаецца, а Крыс Кельмі запрашае Давідзяна ў свой новы праект «Рок-Ателье». Гурт супрацоўнічае з тэатрам Ленкам і з’яўляецца першым выканаўцам культавай рок-оперы «Юнона и Авось». Давідзян з некалькімі музыкамі «Рок-Ателье» ненадоўга далучаецца да гурта «СВ», у канцы 1980-х далучаецца да маскоўскага рок-гурта «Альтер-Эго».
У 1993 годзе Андрэй Давідзян стварае свой уласны праект «Sound Cake», выконваючы фанк, джаз-рок і соўл.
Восенню 2013 года Андрэй Давідзян стаў адным з удзельнікаў другога сезона праекта «Голас» на Першым канале, дзе ён выступіў у рамках трэцяга праслухоўвання ўсляпую і выканаў кампазіцыю «Georgia on my mind».
13 лістапада 2016 года Андрэй Давідзян памёр ад інсульта ў адной з маскоўскіх бальніц.
Зноскі
- ↑ Максимович, Алена (13.11.2016). "Умер звезда шоу «Голос» Андрей Давидян" [руская]. «Вокруг ТВ». Праверана 2020-04-04.
{{cite news}}: Праверце значэнне даты ў:|date=(даведка); Шаблон цытавання мае пусты невядомы параметр:|coauthors=(даведка)
Спасылкі[правіць | правіць зыходнік]
- davidyan.su — афіцыйны сайт Андрэя Давідзяна
Тэматычныя сайты |
|---|
