Афра Базальдэла

Афра Базальдэла
Род дзейнасці	мастак, літограф, дызайнер упрыгожванняў, выкладчык універсітэта
Дата нараджэння	4 сакавіка 1912(1912-03-04)[…]
Месца нараджэння	Удзінэ, Італія
Дата смерці	24 ліпеня 1976(1976-07-24)[…] (64 гады)
Месца смерці	Цюрых, Цюрых, кантон Цюрых, Швейцарыя
Грамадзянства	Італія  Каралеўства Італія  Італія
Альма-матар	Liceo Artistico Di Porta Romana E S.F.[d]
Медыяфайлы на Вікісховішчы

Афра Базальдэла (іт. Afro Basaldella, 4 сакавіка 1912 — 24 ліпеня 1976) — найбуйнейшы італьянскі мастак-абстракцыяніст, прадстаўнік лірычнай абстракцыі — больш вядомы як Афра, бо падпісваў свае працы толькі імем.

У сваіх працах Афра ўслаўляе імправізацыю, яркасць, эмоцыю і колер.

Біяграфія

Афра Базальдэла нарадзіўся ў 1912 годзе ў невялікім мястэчку Удзінэ недалёка ад Венецыі. Яго бацька і дзядзька былі дэкаратарамі, два старэйшыя браты пасля сталі скульптарамі, і каб вылучыцца з сямейнага клана Афра яшчэ ў юнацтве пачаў падпісвацца толькі імем. Прайшоўшы навучанне ў Фларэнцыі, Венецыі і Рыме, у 1931 годзе Базальдэла атрымаў у Венецыі дыплом па класе жывапісу. У 20 гадоў у Мілане прайшла яго першая манаграфічная выстава. З 1935 года Афра рэгулярна выстаўляўся на Квадранале ў Рыме і Біенале ў Венецыі.

З дваццаці трох гадоў удзельнічаў у выставах, рабіў фрэскі і мазаікі, а ў жывапісе спрабаваў адзін за адным самыя розныя кірункі. У 1950 годзе ў Амерыцы Афра сутыкнуўся з абстрактным экспрэсіянізмам.