Берсерк (манга)

Берсерк, Berserk (яп. ベルセルク, англ. Beruseruku, бел.Бэрусэруку) — манга японскага мастака-мангака Кэнтаро Міура ў жанры цёмнай фэнтазі.

Гісторыя стварэння

У 1988 годзе Кэнтаро Міура стварыў кароткую гісторыю, якую лічаць прататыпам Берсерка.

Першыя разделы арыгінальнай мангі былі створаны ў 1989 годзе. Манга выходзіла да скону аўтара.

Аўтар

Кэнтарo Міура (三浦 建太郎, Miura Kentarō) нарадзіўся ў 1966 годзе ў горадзе Чыба (Японія). У 1976, калі будучаму мангаку было толькі 10 гадоў, ён ужо малюе сваю першую мангу — "Miuranger"

Структура мангі

Манга структурна падраздзяляецца на главы, тамы, аркі і часткі. Самая вялікая структурная адзінка—гэта арка. У адну арку ўваходзіць мноства главаў, яна таксама можа складацца з некалькіх частак, з адносна незалежным сюжэтамі, якія падпарадкоўваюцца агульнаму дзеянню аркі. На гэты момант самая кароткая арка--"Чорны мечнік". Яна ўключае ў сябе два першыя тамы цалкам і тры главы з трэцяга тома. Наступная арка "Залаты век" працягваецца з чацвёртай главы трэцяга тома да трэцяй главы чатырнаццатага тома. Гэтыя аркі не падзяляюцца на часткі. Апісанныя ў іх падзеі амаль цалкам былі экранізаваныя ў анімэ "Берсерк" з невялікімі зменамі.

Змест

Манга апавядае гісторыю і прыгоды Гатса - неверагоднага майстра мяча. Дзеянне адбываецца ў свеце падобным на эпоху Сярэднявечча, аднак таксама ёсць элементы, якія нагадваюць Рэнесанс. Змяшэнне розных перыядаў гісторыі было зроблена аўтарам наўмысна. Асноунае месца дзеяння — каралеўства Мідланд. Аднак некаторыя падзеі разгортваюцца і за яго межамі. Гісторыя мангі пачынаецца ў часы Стагадовай Вайны - вайны паміж каралеўствам Мідланд і імперыяй Цюдор. Галоўны герой — Гатс далучаецца да атраду наймітаў "Банда Ястраба" пад кіраўніцтвам амбіцыёзнага і таленавітага палкаводца і лідара Грыфіта. Так Гатс аказваецца ўцягненым у дзіўныя падзеі, якія змяняюць яго жыццё.

Месца дзеяння

Падзеі разгортваюцца ў выдуманным свеце, які нагадвае Еўропу Сярэднявечча, хоць прысутнічаюць і наўмысна ўведзеныя аўтарам элементы з іншых эпох. Асноўныя падзеі разгортваюцца ў каралеўстве Мідланд і вакол яго. Мідланд уяўляе сабой манархію. У ім кіруе кароль, а грамадства пабудавана на феадальных адносінах. У іншых краінах ужо існуюць пачаткі буржуазных адносін. Мідланд мяжуе з імперыяй Цюдор і разам з ёй з'яўляецца адной з самых моцных дзяржаў у рэгіёне. Гарамі Мідланд аддзелены ад Кушаніі (кушанскай імперыі). Гэту краіну засяляюць людзі зусім іншай у параўнанні з Мідландам і Цюдор расы, маюць іншую культуру і рэлігію. У Мідландзе, Цюдор і іншых краінах гэтага рэгіёна распаўсюджана монатэістычная рэлігія, назва якой пакуль не згадвалася.

Гісторыя Мідланда

Тысячу год назад на месцы каралеўства Мідланд існавала некалькі дзяржаў, якія былі аб'яднаныя імператарам Гейзерыкам. Такім чынам узнікла Мідландская Імперыя. Аднак гэтая імперыя спыніла сваё існаванне за адну ноч. Па легендзе жорсткасць імператара прывяла да таго, што з неба спусціліся анёлы (пяць ці чатыры) і знішчылі сталіцу імперыі. На месцы старой сталіцы, якая правалілася пад зямлю, пабудавана новая сталіца — Віндхейм. Лічыцца, што каралеўская сям'я, якая кіруе Мідландам, вядзе сваё паходжанне ад імператара Гейзерыка. За 100 год да пачатку падзей мангі імперыя Цюдор (дзяржава, якая мяжуе з Мідландам) пачынае вайну супроць апошняга, якая заканчваецца толькі з падзеямі, якія адбываюцца непасрэдна ў манзе. У Цюдор узніклі спрэчкі з успадкоўваннем трона, акрамя таго была страчана крэпасць Далдрэй, якая лічылася непрыступнай. Усё гэта паслабіла пазіцыі Цюдор і паміж дзяржавамі быў заключаны мір. Асноўную ролю ў спыненні вайны адыграў таленавіты палкаводзец Грыфіт і яго атрад. Аднак пасля вайны становішча ў Мідландзе было нестабільным. У краіне ўспыхнула эпідэмія, яшчэ большую дэстабілізацыю прынесла смерць Караля, які не меў сыноў. Адначасова з яго смерцю на Мідланд напалі Кушаны і хутка захапілі яго сталіцу, хаця асобныя гарады працягвалі супраціўленне. Краіны гэтага рэгіёну стварылі саюз з мэтай вызваліць землі Мідланда ад кушанскіх захопнікаў. Асноўнай сілай саюза быў Цюдор. Супраціўленне ўзнікла і ў самім Мідландзе. З некаторага моманту важную ролю ў ім пачынае адыгрываць Грыфіт, які аб'ядноўвае вакол сябе і сваёй новай Банды Ястраба патрыятычныя сілы.

Спіс герояў

Асноўны артыкул: Спіс герояў «Berserk»

Спасылкі

• Афіцыйны сайт «Berserk»'а (Young Animal)
• Kentarou Miura biography and works Архівавана 30 красавіка 2008. (англ.)
• "Энцыклапедыя па «Berserk»'у (english)