Вера Барысаўна Масальская

Вера Барысаўна Масальская
Дата нараджэння	7 чэрвеня 1930(1930-06-07) (94 гады)
Месца нараджэння	Сасноўка, Сасноўскае сельскае паселішча[d], Шарканскі раён[d], Удмурцкая аўтаномная вобласць[d], Горкаўскі край[d], РСФСР, СССР
Альма-матар	Маскоўскі архітэктурны інстытут (1954)
Месца працы	Белдзяржпраект Галоўдзяржбудэкспертыза[d]
Член у	Саюз архітэктараў СССР Беларускі саюз архітэктараў
Узнагароды

Вера Барысаўна Масальская (нар. 7 чэрвеня 1930, с. Сасноўка, Шарканскі раён, Удмурцкая АССР, РСФСР) — беларускі архітэктар.

Біяграфія

Скончыла ў 1954 годзе Маскоўскі архітэктурны інстытут. Па размеркаванні па заяўцы Дзяржбуда БССР накіравана ў Мінск у праектны інстытут «Белдзяржпраект», дзе працавала ў 1954—1988 гадах (архітэктар, старэйшы архітэктар, кіраўнік групы, галоўны архітэктар праектаў). У 1988—2010 гадах эксперт, старэйшы эксперт, галоўны эксперт Упраўлення жыллёва-грамадзянскага будаўніцтва і планіровачных работ Галоўдзяржбудэкспертызы.

Член Саюза архітэктараў СССР з 1959 года. Пражывае ў Мінску.

Творчасць

Сурдалагічны дыспансер па вул. Сухой

Асноўныя працы: крыты рынак у Гродна (1976), сурдалагапедычны дыспансер са стацыянарам (1982), медыцынскі корпус ВА «Пратэзіст» са стацыянарам па вул. Адоеўскага (1986) у Мінску, піянерлагеры — базы адпачынку Мінскага камвольнага камбіната (1984), Міністэрства харчовай прамысловасці БССР (1988), рэстаран на возеры Нарач (1972); у аўтарскім калектыве: 5-павярховыя жылыя дамы з убудаванымі памяшканнямі крамы і дзіцячага садка, з буйных цагляных блокаў у квартале № 4 трактарнага завода (1957), праект прыгараднай зоны Мінска, стаматалагічная паліклініка—навучальная база Мінскага медінстытута па вуліцы Сухой (1984) у Мінску, псіхіятрычныя бальніцы — рэспубліканская клінічная на 400 коек з аперацыйным блокам і лячэбнымі майстэрнямі ў Навінках і абласная на 1000 коек ў Магілёве (1987), рэспубліканскі піянерлагер «Зубраня» на возера Нарач.

Узнагароды

Узнагароджана Ганаровай граматай Прэзідыума Вярхоўнага Савета БССР (1980).

Літаратура

• Масальская Вера Борисовна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Масальская Вера Борисовна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)